Home /News /tamil-nadu /

45 தேசிய நெடுஞ்சாலைத் திட்டங்கள் முடங்கிக் கிடக்கின்றன : தமிழக அரசுக்கு அன்புமணி ராமதாஸ் கோரிக்கை

45 தேசிய நெடுஞ்சாலைத் திட்டங்கள் முடங்கிக் கிடக்கின்றன : தமிழக அரசுக்கு அன்புமணி ராமதாஸ் கோரிக்கை

அன்புமணி ராமதாஸ்

அன்புமணி ராமதாஸ்

National Highways : தமிழ்நாட்டில், நெடுஞ்சாலை சாலைகள் அமைப்பதற்கான மண் பற்றாக்குறையால் 1,572 கி.மீ நீளத்திற்கான 45 தேசிய நெடுஞ்சாலைத் திட்டங்கள் முடங்கிக்கிடப்பதாக அன்புமணி ராமதாஸ் கவலை தெரிவித்துள்ளார்.

    தமிழ்நாட்டில் தேசிய நெடுஞ்சாலைத் திட்டங்களை விரைவுப்படுத்த தமிழக அரசு ஒத்துழைக்க வேண்டும் என்று பாமக இளைஞரணித் தலைவர் அன்புமணி ராமதாஸ் வலியுறுத்தியுள்ளார்.

    இது தொடர்பாக அவர் தனது டிவிட்டர் பக்கத்தில் வெளியிட்டுள்ள பதிவில், “தமிழ்நாட்டில் சாலைகள் அமைப்பதற்கான மண் பற்றாக்குறையால் 1,572 கி.மீ நீளத்திற்கான 45 தேசிய நெடுஞ்சாலைத் திட்டங்கள் முடங்கிக் கிடப்பதாகவும், அவற்றை விரைவுபடுத்த ஒத்துழைக்கும்படியும் தலைமைச் செயலருக்கு, மத்திய நெடுஞ்சாலைத்துறை செயலர் கடிதம் எழுதியுள்ளார். நெடுஞ்சாலைப் பணிகள் முடங்குவது வளர்ச்சிக்கு நல்லதல்ல.

    தமிழகத்தில் தேசிய நெடுஞ்சாலைத் திட்டங்களுக்கு 8.70 கோடி கன அடி மண் தேவைப்படும் நிலையில், இப்போது வழங்கப்படும் வேகத்தில் மண் வெட்ட அனுமதி வழங்கப்பட்டால் இன்னும் பல ஆண்டுகள் ஆனாலும் கூட இந்த பணிகள் முடியாது என்பதால், அனுமதி வழங்குவதை அரசு விரைவுபடுத்த வேண்டும்.

     



    நெடுஞ்சாலைத் திட்டங்களுக்கு நிலம் கையகப்படுத்தித் தருவதில் நிலைமை மேம்பட்டுள்ள நிலையில், மண் அள்ளுவதற்கான அனுமதியையும் தமிழக அரசு விரைந்து வழங்க வேண்டும்.

    Must Read : உக்ரைன் தலைநகரை விட்டு இன்றைக்குள் இந்தியர்கள் வெளியேற திடீர் அறிவுறுத்தல்...

    தேசிய நெடுஞ்சாலைத் திட்டங்களை விரைவுபடுத்துவதில் மத்திய அரசுக்கு ஒத்துழைத்து, அதன் மூலம் தமிழகத்தின் வளர்ச்சிக்கும் வழிவகுக்க வேண்டும்”  இவ்வாறு அதில் குறிப்பிட்டுள்ளார்.
    Published by:Suresh V
    First published:

    Tags: Anbumani ramadoss, Highways Department, PMK

    அடுத்த செய்தி