Home /News /tamil-nadu /

அம்பேத்கர் பிறந்தநாள் : சட்ட ஒழுங்கு பிரச்னை ஏற்படாமல் இருக்க குறிப்பிட்ட பகுதியில் 144 தடை உத்தரவு - காவல்துறை

அம்பேத்கர் பிறந்தநாள் : சட்ட ஒழுங்கு பிரச்னை ஏற்படாமல் இருக்க குறிப்பிட்ட பகுதியில் 144 தடை உத்தரவு - காவல்துறை

உ.பி.யில் அம்பேத்கர் சிலை உடைப்பு

உ.பி.யில் அம்பேத்கர் சிலை உடைப்பு

கடந்த ஆண்டு டிசம்பர் மாதம் 6ம் தேதி அம்பேத்கரின் நினைவு தினத்தை அனுசரித்தவர்கள், பிற சமூகத்தை இழிவுபடுத்தி பேசியதால் இரு சமூகத்தினருக்கு இடையே தகராறு ஏற்பட்டதாக குறிப்பிட்டுள்ளார்.

அம்பேத்கர் பிறந்தநாள் கொண்டாட்டத்தின் போது  சட்டம் ஒழுங்கு பிரச்னை ஏற்படாமல் தடுக்க   மயிலாடுதுறை, தலைஞாயிறு மதகடி பகுதியில் 144 தடை உத்தரவு பிறப்பிக்கப்பட்டு உள்ளதாக தமிழக காவல்துறை உயர் நீதிமன்றத்தில் தெரிவித்துள்ளது.

மயிலாடுதுறை மாவட்டம், மதகடி கிராம பஞ்சாயத்து தலைவரான டி. ராஜேந்திரன்  தாக்கல் செய்துள்ள மனுவில், மதகடி தலைஞாயிறு பேருந்து நிறுத்தத்தில் கடந்த ஆண்டு டிசம்பர் மாதம் 6ம் தேதி அம்பேத்கரின் நினைவு தினத்தை அனுசரித்தவர்கள், பிற சமூகத்தை இழிவுபடுத்தி பேசியதால் இரு சமூகத்தினருக்கு இடையே தகராறு ஏற்பட்டதாக குறிப்பிட்டுள்ளார்.

இந்நிலையில் நாளை டாக்டர் அம்பேத்கரின் பிறந்த தினம் கொண்டாடப்பட உள்ள நிலையில் மீண்டும் அதேபோன்ற பிரச்னை ஏற்பட வாய்ப்புள்ளதால்,    அப்பகுதியில் நிகழ்ச்சிகளை நடத்த தடை விதிக்க வேண்டும் என்று மனுவில் கோரிக்கை வைத்திருந்தார்.

Also Read : மசாஜ் நிலையங்களில் விபச்சாரம் நடந்தால்... உயர் நீதிமன்றம் அதிரடி உத்தரவு

இந்த மனு நீதிபதிகள் துரைசாமி மற்றும் தமிழ்ச்செல்வி ஆகியோர் அடங்கிய அமர்வில் விசாரணைக்கு வந்தது.
அப்போது தமிழக காவல்துறை தரப்பில், மனுதாரர் குறிப்பிட்ட பகுதியில் சட்டம் ஒழுங்கு பிரச்னை ஏற்படாத வகையில் தடுப்பதற்காக 144 தடை உத்தரவு பிறப்பிக்கப்பட்டு உள்ளதாக தெரிவிக்கப்பட்டது. அதனை ஏற்றுக்கொண்ட நீதிபதிகள், வழக்கை முடித்து வைத்து உத்தரவிட்டனர்.
Published by:Vijay R
First published:

Tags: Chennai High court, Madras High court

அடுத்த செய்தி