Home /News /tamil-nadu /

இந்த மாவட்டங்களில் எல்லாம் கனமழை வெளுத்து வாங்கும் : வானிலை ஆய்வு மையம் தகவல்

இந்த மாவட்டங்களில் எல்லாம் கனமழை வெளுத்து வாங்கும் : வானிலை ஆய்வு மையம் தகவல்

மழை

மழை

Weather Update : லட்சத்தீவு பகுதிகள் மற்றும் அதனை ஒட்டிய தென் கிழக்கு அரபிக்கடல் பகுதிகளில் மேல் நிலவும் மேலடுக்கு சுழற்சி மற்றும் வெப்ப சலனம் காரணமாக, இன்று மேற்கு தொடர்ச்சி மலை பகுதி மாவட்டங்கள் மற்றும் மேற்கு தமிழக மாவட்டங்களில் கனமழை பெய்யும் என வானிலை ஆய்வுமையம் தெரிவித்துள்ளது.

மேலும் படிக்கவும் ...
    தமிழகத்தின் பல்வேறு மாவட்டங்களில் இடி மின்னலுடன் கோடை மழை பெய்து வருகிறது. இதனால் வெப்பம் தணிந்து குளிச்சியான சூழல் நிலவி வருகிறது. இந்நிலையில், லட்சத்தீவு பகுதிகள் மற்றும் அதனை ஒட்டிய தென் கிழக்கு அரபிக்கடல் பகுதிகளின் மேல் நிலவும் மேலடுக்கு சுழற்சி மற்றும் வெப்ப சலனம் காரணமாக இன்று (ஏப்பரல் 15ஆம் தேதி) தமிழ்நாடு, புதுவை மற்றும் காரைக்கால் பகுதிகளில் ஒரு சில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என்றும் மேற்கு தொடர்ச்சி மலை பகுதி மாவட்டங்கள், ஈரோடு, தருமபுரி, திருப்பத்தூர், திருவண்ணாமலை, வேலூர், சேலம், நாமக்கல் மற்றும் கிருஷ்ணகிரி ஆகிய மாவட்டங்களில் ஓரிரு இடங்களில் கன மழை பெய்ய வாய்ப்புள்ளது என சென்னை வானிலை ஆய்வுமையம் தெரிவித்துள்ளது.

    நாளை (16ஆம் தேதி) தமிழ்நாடு, புதுவை மற்றும் காரைக்கால் பகுதிகளில் ஒரு சில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். மேற்கு தொடர்ச்சி மலை பகுதி மாவட்டங்கள் மற்றும் அதனை ஒட்டிய மாவட்டங்களில் ஓரிரு இடங்களில் கன மழை பெய்ய வாய்ப்புள்ளது.

    17ஆம் தேதி ஞாயிற்றுக்கிழமை தமிழ்நாடு, புதுவை மற்றும் காரைக்கால் பகுதிகளில் ஒரு சில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். மேற்கு தொடர்ச்சி மலை பகுதி மாவட்டங்கள், ஈரோடு மற்றும் சேலம் மாவட்டங்களில் ஓரிரு இடங்களில் கன மழை பெய்ய வாய்ப்புள்ளது.18 மற்றும்19 ஆம் தேதிகளில் உள் தமிழக மாவட்டங்களில் ஓரிரு இடங்களில் லேசானது முதல் மிதமான மழை பெய்யக்கூடும் என்றும் தெரிவிக்கப்பட்டுள்ளது.

    சென்னையை பொறுத்தவரை, அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒரு சில இடங்களில் லேசான மழை பெய்யக்கூடும். அதிகபட்ச வெப்பநிலை 36 டிகிரி செல்சியஸ் மற்றும் குறைந்தபட்ச வெப்பநிலை 28 டிகிரி செல்சியஸை ஒட்டி இருக்கக்கூடும். இதேபோல, அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 36 டிகிரி செல்சியஸ் மற்றும் குறைந்தபட்ச வெப்பநிலை 28 டிகிரி செல்சியஸை ஒட்டி இருக்கக்கூடும் என்றும் வானிலை ஆய்வுமையம் தெரிவித்துள்ளது.

    Read More : தொட‌ர்விடுமுறை... கொடைக்கான‌லில் குவிந்த சுற்றுலா பயணிகள் - 3 கிலோ மீட்டர் தூரத்திற்கு அணி வகுத்து நிற்கும் வாக‌ன‌ங்க‌ள்!

    கடந்த 24 மணி நேரத்தில் பதிவான மழை அளவு (சென்டிமீட்டரில்):

    ஏற்காடு (சேலம்) 12, மேல் பவானி (நீலகிரி) 7, திருப்பூர் (திருப்பூர்), ஓமலூர் (சேலம்) தலா 6, திருமூர்த்தி அணை (திருப்பூர்), வறளியாறு (நீலகிரி), கெட்டி (நீலகிரி), அழகரை எஸ்டேட் (நீலகிரி), பந்தலூர் (நீலகிரி), குமாரபாளையம் (நாமக்கல்) தலா 5, ஆலங்காயம் (திருப்பத்தூர்), குன்னூர் பி.டி.ஓ (நீலகிரி), நடுவட்டம் (நீலகிரி) தலா 4, தேவாலா (நீலகிரி), டேனிஷ்பேட்டை (சேலம்), ஓடன்சத்திரம் (திண்டுக்கல்), பவானி (ஈரோடு), தம்மம்பட்டி (சேலம்), தர்மபுரி PTO (தருமபுரி), காங்கேயம் (திருப்பூர்), சோலையார் (கோயம்புத்தூர்), ஊத்துக்குளி (திருப்பூர்), கூடலூர் பஜார் (நீலகிரி), கிருஷ்ணகிரி (கிருஷ்ணகிரி), ஆம்பூர் (திருப்பத்தூர்), கோத்தகிரி (நீலகிரி) தலா 3,

    Must Read : ராஜ்பவன் ஆர்.எஸ்.எஸ். அலுவலகமாக மாறி வருகிறது - கி. வீரமணி குற்றச்சாட்டு

    அன்னூர் (கோயம்புத்தூர்), வடபுதுப்பட்டு (திருப்பத்தூர்), பென்னாகரம் (தருமபுரி), அவலாஞ்சி (நீலகிரி), அவினாசி (திருப்பூர்), சேலம் (சேலம்), குன்னூர் (நீலகிரி), ஓசூர் (கிருஷ்ணகிரி), பெருந்துறை (ஈரோடு), புதுச்சத்திரம் (நாமக்கல்), மணிமுத்தாறு (திருநெல்வேலி) தலா 2, ஈரோடு (ஈரோடு), வாணியம்பாடி (திருப்பத்தூர்), பவானிசாகர் (ஈரோடு), தேக்கடி (தேனி), நெடுங்கல் (கிருஷ்ணகிரி), கோபிசெட்டிபாளையம் (ஈரோடு), பாரூர் (கிருஷ்ணகிரி), உதகமண்டலம் (நீலகிரி), தேன்கனிக்கோட்டை (கிருஷ்ணகிரி), பொள்ளாச்சி (கோயம்புத்தூர்), திண்டுக்கல் (திண்டுக்கல்) , ஒகேனக்கல் (தருமபுரி), சூளகிரி (கிருஷ்ணகிரி), மோகனூர் (நாமக்கல்) தலா 1 என வானிலை ஆய்வுமையம் தெரிவித்துள்ளது. இந்நிலையில், மீனவர்களுக்கான எச்சரிக்கை ஏதுமில்லை விடுக்கப்படவில்லை.
    Published by:Suresh V
    First published:

    Tags: Heavy rain, Rain Forecast, Weather News in Tamil

    அடுத்த செய்தி