Home /News /tamil-nadu /

கட்டப்படாத மருத்துவமனைக்கு சான்றிதழ்... முன்னாள் அமைச்சர் விஜயபாஸ்கர் வீட்டில் நடத்தப்படும் ரெய்டின் பின்னணி

கட்டப்படாத மருத்துவமனைக்கு சான்றிதழ்... முன்னாள் அமைச்சர் விஜயபாஸ்கர் வீட்டில் நடத்தப்படும் ரெய்டின் பின்னணி

சி. விஜயபாஸ்கர்

சி. விஜயபாஸ்கர்

மருத்துவமனையே கட்டப்படாத நிலையில், வேல்ஸ் கல்லூரி மற்றும் மருத்துவமனை, 250 படுக்கை வசதிகளுடன் 2 ஆண்டுகளாக செயல்பட்டு வருவதாக சான்றிதழ் வழங்கியுள்ளதாக குற்றச்சாட்டு.

  • News18 Tamil
  • 1 minute read
  • Last Updated :
  • Tamil Nadu, India
     சென்னை, சேலம், மதுரை உள்ளிட்ட மாவட்டங்களில்  முன்னாள் சுகாதாரத்துறை அமைச்சர் சி.விஜயபாஸ்கருக்கு தொடர்பான 13 இடங்களில்  லஞ்ச ஒழிப்புத்துறை அதிகாரிகள் சோதனை இன்று காலை முதல் சோதனை நடத்தி வருகின்றனர்.

    கடந்த அதிமுக ஆட்சியில் சுகாதாரத் துறை அமைச்சராக இருந்தவர் சி.விஜயபாஸ்கர். இவர் மீது ஏற்கனவே, குட்கா சட்டவிரோத விற்பனைக்கு லஞ்சம் பெற்றதாக குற்றச்சாட்டு எழுந்தது. இது தொடர்பாக அவர் தொடர்பான இடங்களில் லஞ்ச ஒழிப்புத்துறை அதிகாரிகள் சோதனை நடத்தினர்.

    இந்நிலையில், சி.விஜயபாஸ்கர் அமைச்சராக இருந்த போது, ஊத்துக்கோட்டை, மஞ்சக்கரணை என்ற பகுதியில்  மருத்துவமனையே கட்டப்படாத நிலையில், வேல்ஸ் கல்லூரி மற்றும் மருத்துவமனை, 250 படுக்கை வசதிகளுடன் 2 ஆண்டுகளாக செயல்பட்டு வருவதாகவும், புதிய மருத்துவ கல்லூரி தொடங்குவதற்கு மருத்துவமனை தகுதியானது எனவும் சான்றிதழ் வழங்கியுள்ளதாக புகார் தெரிவிக்கப்பட்டுள்ளது.

    ALSO READ | தெருவிளக்கு திட்டத்தில் முறைகேடு.. ரூ.500 கோடி இழப்பு? முன்னாள் அமைச்சர் எஸ்பி வேலுமணி இல்லத்தில் ரெய்டு

    இது சம்பந்தமான ஆவணங்களை கைப்பற்ற லஞ்ச ஒழிப்புத்துறை அதிகாரிகள் சோதனை மேற்கொண்டு வருகின்றனர். சி.விஜயபாஸ்கர், ஐசரி கணேஷ் உள்ளிட்ட 7 பேர் மீது வழக்குப்பதிவு செய்யப்பட்டுள்ள நிலையில், ஒரே நேரத்தில் அதிமுக முன்னாள் அமைச்சர்கள் எஸ்.பி.வேலுமணி, சி.விஜயபாஸ்கர் ஆகியோருக்கு சொந்தமான இடங்களில் சோதனை நடத்தி வருகின்றனர்.

     
    Published by:Anupriyam K
    First published:

    Tags: AIADMK, Directorate of Vigilance and Anti-Corruption, Minister Vijayabaskar, Vijayabaskar

    அடுத்த செய்தி