முன்னாள் அமைச்சர் நடிகை விவகாரம்.. கருகலைப்பு செய்ததாக மருத்துவர் ஒப்புதல் வாக்குமூலம்

மணிகண்டன் - சாந்தினி

அமைச்சர் மணிகண்டன் நடிகையை பிரபல ஹோட்டலுக்கு அழைத்து சென்று தங்கியிருந்தது தொடர்பான ஆதாரங்கள் காவல்துறைக்கு சிக்கி உள்ளதாக தகவல்.

  • Share this:
முன்னாள் அமைச்சர் மணிகண்டன் கூறியதன் பேரில் நடிகைக்கு கருகலைப்பு செய்ததாக மருத்துவர் ஒப்புதல் வாக்குமூலம் அளித்துள்ளார்.

நடிகை பாலியல் புகாரில் கைது செய்யப்பட்டுள்ள முன்னாள் அமைச்சர் மணிகண்டனின் மருத்துவர் ஒப்புதல் வாக்குமூலம் அளித்துள்ளதாக காவல்துறையினர் தெரிவித்துள்ளனர்.

முன்னாள் அமைச்சர் மணிகண்டனின் கட்டாயத்தாலேயே நடிகைக்கு கருகலைப்பு செய்ததாக கோபாலபுரத்தைச் சேர்ந்த மருத்துவர் அடையாறு மகளிர் காவல்துறை விசாரணையில் வாக்குமூலம் அளித்துள்ளதாக தெரிவித்துள்ளனர். நடிகையின் முகத்தில் காயத்துடன் இருந்தபோது தான் சிகிச்சை அளித்ததாகவும் போலீசிடம் தெரிவித்துள்ளார்.

Also Read: வதந்திகளை நம்பாதீங்க.. இப்பதான் அரசியல் பக்குவம் வந்திருக்கு - கொரோனா தொற்றால் வீட்டு தனிமையில் ராஜேந்திர பாலாஜி

முன்னாள் அமைச்சர் மணிகண்டன் நடிகையை தென்மாவட்டத்தில் உள்ள பிரபல ஹோட்டலுக்கு அழைத்து சென்று தங்கியிருந்தது தொடர்பான ஆதாரங்கள் காவல்துறைக்கு சிக்கி உள்ளதாக தகவல். ஹோட்டலுக்கு சென்று விசாரணை நடத்த காவல்துறை திட்டமிட்டுள்ளனர். மேலும் கைதான மணிகண்டனின் ஸ்மாட் செல்போனை இதுவரை அடையாறு மகளிர் காவல்துறையினர் பறிமுதல் செய்யவில்லை.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

சாதாரண 2 போன்கள் மட்டுமே போலீசார் கைப்பற்றி உள்ளனர். அதனால் தான் அந்த செல்போனை பறிமுதல் செய்வதற்காகவே மணிகண்டனை போலீஸ் காவலில் எடுக்க அடையாறு போலீசார் திட்டமிட்டனர். ஆனால் கிடைக்கவில்லை. இதனால் காவல்துறையினர் அதனை பறிமுதல் செய்ய அடுத்த கட்ட முயற்சியில் ஈடுபட்டு வருகின்றனர்.


உடனடி செய்திகளுக்கு இணைந்திருங்கள்.
Published by:Ramprasath H
First published: