• HOME
  • »
  • NEWS
  • »
  • tamil-nadu
  • »
  • கொரோனா நெகட்டிவ் சான்றிதழுடன் வந்தால் மட்டுமே கல்லூரிக்குள் அனுமதி: ராதாகிருஷ்ணன்

கொரோனா நெகட்டிவ் சான்றிதழுடன் வந்தால் மட்டுமே கல்லூரிக்குள் அனுமதி: ராதாகிருஷ்ணன்

சுகாதாரத்துறை செயலாளர் ராதாகிருஷ்ணன்

சுகாதாரத்துறை செயலாளர் ராதாகிருஷ்ணன்

கொரோனா பரவல் குறைந்ததை அடுத்து, தமிழகம் முழுவதும் இன்று முதல் மருத்துவக் கல்லூரிகள் திறக்கப்பட்டுள்ளன.  

  • Share this:
    கொரோனா இரண்டாவது அலை பரவல் காரணமாக மருத்துவக் கல்லூரிகள் உள்ளிட்ட அனைத்துக் கல்வி நிறுவனங்களும் கடந்த மார்ச் மாதம் மூடப்பட்டன. இதைத் தொடர்ந்து மாணவர்களுக்கு ஆன்லைன் வழியே பாடம் நடத்தப்பட்டது. தற்போது தொற்று குறைந்து வருவதை அடுத்து, ஊரடங்கில் பல்வேறு தளர்வுகள் அறிவிக்கப்பட்டு வருகின்றன. அந்தவகையில், மருத்துவக் கல்லூரிகள் மற்றும் செவிலியர் படிப்பு உள்ளிட்ட பல்வேறு மருத்துவம் சார்ந்த கல்லூரிகள், ஆகஸ்ட் 16ஆம் தேதியில் இருந்து செயல்படலாம் என்று அறிவிக்கப்பட்டது.

    இதற்காக, வளாகத்தில் ஆசிரியர்களும் மாணவர்களும் கட்டாயம் கொரோனா விதிமுறைகளைப் பின்பற்ற வேண்டும் ஏராளமான விதிமுறைகள் வெளியிடப்பட்டிருந்தன.

    Also read: மக்கும் குப்பையில் இருந்து மின்சாரம்- அசத்தும் சிவகங்கை மாவட்டத்தின் காஞ்சிரங்கால் ஊராட்சி!

    இந்நிலையில், சென்னை ஓமந்தூரார் அரசு மருத்துவமனையில் மக்கள் நல்வாழ்வுத்துறை செயலாளர் ராதாகிருஷ்ணன் திடீர் ஆய்வு மேற்கொண்டார். பின்னர் அவர் செய்தியாளர்களிடம் கூறியதாவது, கடந்த 48 மணி நேரத்திற்குள் கொரோனா பரிசோதனை மேற்கொண்டு நெகட்டிவ் சான்றிதழுடன் வரும் மாணவர்கள் மட்டுமே கல்லூரிகள் அனுமதிக்கப்படுவார்கள் என தெரிவித்துள்ளோம். அவ்வாறு 48 மணி நேரத்தில் கொரோனா பரிசோதனை செய்யாத ஒரு சில மாணவர்களுக்கும் கல்லூரி வளாகத்திலேயே பரிசோதனை மேற்கொள்ள ஏற்பாடுகள் செய்யப்பட்டுள்ளது.

    அதன் முடிவுகள் வந்த பின்னரே மாணவர்கள் கல்லூரிகளுக்குள் அனுமதிக்கப்படுவர். கல்லூரி வளாகம், ஆய்வகங்கள், வகுப்பறைகள் உள்ளிட்ட அனைத்து இடங்களிலும் கிருமி நாசினி தெளித்தல், கொரோனா அறிகுறி இருக்கும் மாணவர்களை உடனடியாக தனிமைப்படுத்துதல், வகுப்பறைகளில் பகுதி, பகுதியாக மாணவர்களை அனுமதித்தல், கல்லூரி வளாகத்தில் நுழையும் முன் தெர்மல் ஸ்கேனிங் கட்டாயம், கல்லூரிகளே முகக்கவசம் வழங்க வேண்டும்.

    தனிநபர் இடைவெளி, கூட்டம் கூடுவதை தவிர்த்தல், உடல் நலம் கண்காணிப்பு குழு அமைத்தல் உள்ளிட்ட நிலையான வழிகாட்டு நெறிமுறைகளை பின்பற்றுமாறு மருத்துவ கல்லூரி டீன்களுக்கு அறிவுறுத்தியுள்ளோம்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    அவர்களும் வழிகாட்டு நெறிமுறைகளை சிறப்பாக பின்பற்றி வருகின்றனர். நாங்களும் தீவிரமாக கண்காணித்து வருகிறோம். கடந்த 2 வாரங்களாக தமிழகத்தில் சராசரியாக 2 ஆயிரம் பேர் கொரோனாவால் பாதிக்கப்பட்டுள்ளனர். சென்னை மற்றும் புறநகர் பகுதிகளில் கொரோனா கட்டுப்படுத்துவது சவாலாக இருந்தாலும் அதையும் கண்காணித்து கட்டுக்குள் கொண்டு வந்துள்ளோம். இவ்வாறு அவர் கூறினார்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Esakki Raja
    First published: