இந்து முன்னணியினரை வெட்டிய வழக்கு : பா.ஜ.கவினர் 6 பேர் கைது

இந்து முன்னணியினரை 3 பேரை அரிவாளால் வெட்டிய வழக்கில் பாஜகவினர் 6 பேர் கைது செய்யப்பட்டுள்ளனர்.

கோவை கவுண்டம்பாளையத்தில் இந்து முன்னணி மற்றும் பா.ஜ.கவினரிடையே ஏற்பட்ட மோதலில் 3 பேருக்கு அரிவாள் வெட்டு விழுந்துள்ளது. கவுண்டம்பாளையம் அருகே இருசக்கர வாகனமும், கார் ஒன்றும் நேற்று மாலை மோதிக்கொண்டது. இதற்கு பஞ்சாயத்து செய்ய இந்து முன்னணியினரும், பா.ஜ.க-வினரும் சென்றிருக்கின்றனர். இந்து முன்னணியினர் கார் ஓட்டுநருக்கும், பா.ஜ.கவினர் இருசக்கர வாகனத்தில் சென்ற பெண்ணுக்கும் ஆதரவாக வாக்குவாதத்தில் ஈடுபட்டிருக்கின்றனர்.

விபத்துக்குள்ளானவர்கள் அங்கிருந்து சென்ற நிலையில் பா.ஜ.கவைச் சேர்ந்த அசோக் என்பவர் தனது நண்பர்களுடன் சேர்ந்து இந்து முன்னணியை சேர்ந்த கார்த்திக், ஜெரால்ட் , ஹரீஷ் ஆகிய 3 பேரையும் அரிவாளால் வெட்டியுள்ளனர். படுகாயமடைந்த மூவரையும் மருத்துவமனையில் சேர்த்த போலீசார், அசோக் மற்றும் அவரது நண்பர்கள் 6 பேரை கைது செய்து விசாரணை நடத்தி வருகின்றனர். ஏற்கனவே இவர்களுக்குள் முன் விரோதம் இருந்தது விசாரணையில் தெரியவந்துள்ளது.

Also See...