• HOME
  • »
  • NEWS
  • »
  • tamil-nadu
  • »
  • அடிக்கடி டிவி பார்ப்பதாக வெயிலில் நிற்க வைத்த தாய்: 5 வயது சிறுமி உயிரிழப்பு!

அடிக்கடி டிவி பார்ப்பதாக வெயிலில் நிற்க வைத்த தாய்: 5 வயது சிறுமி உயிரிழப்பு!

குழந்தைகள் நல அலுவலர்கள் அளித்த புகாரின் பேரில் சிறுமியின் தாயிடம் போலீசார் விசாரணை மேற்கொண்டு வருகின்றனர்.

  • News18
  • Last Updated :
  • Share this:
சரியாக படிக்கவில்லை என்றுகூறி தாய் தாக்கியதில் 5 வயது சிறுமி உயிரிழந்த கொடூரம் நாமக்கல் மாவட்டத்தில் அரங்கேறியுள்ளது.

தேனியை சேர்ந்த பேராசிரியர் பாண்டியன் தனது மனைவி நித்ய கமலா மற்றும் 5 வயது மகள் லத்திகா ஸ்ரீ ஆகியோருடன் நாமக்கல் மாவட்டம் காட்டுப்புத்தூரில் வசித்து வந்தார். இந்நிலையில், நேற்று காலை லத்திகா ஸ்ரீ டிவி பார்த்துக் கொண்டு படிப்பில் கவனம் செலுத்தாமல் இருந்ததால் அவரது தாய் நித்ய கமலா கண்டித்துள்ளார்.

ஆனால், சிறுமி அலட்சியத்துடன் இருந்ததால் ஆத்திரமடைந்த நித்ய கமலா குக்கர் மூடியால் லத்திகா ஸ்ரீயை தாக்கியதாகக் கூறப்படுகிறது. மேலும், அவரை வீட்டிற்கு வெளியே வெயிலில் நிற்க வைத்து ஆசிரியர்களைப் போன்று தண்டித்துள்ளார்.

ஒருகட்டத்தில் ரத்தக் காயங்களுடன் சிறுமி மயங்கி கீழே விழுந்ததைக் கண்டு அதிர்ச்சியடைந்த அக்கம்பத்தினர் அவரை மீட்டு மருத்துவமனைக்கு கொண்டு சென்றனர். பின்னர் மேல்சிகிச்சைக்காக சேலம் அரசு மருத்துவமனையில் அனுமதிக்கப்பட்ட சிறுமி சிகிச்சைப்பலனின்றி உயிரிழந்தார்.

இதுதொடர்பாக குழந்தைகள் நல அலுவலர்கள் அளித்த புகாரின் பேரில் சிறுமியின் தாயிடம் போலீசார் விசாரணை மேற்கொண்டு வருகின்றனர். விசாரணைக்கு பின் தாய் நித்ய கமலா மீது கொலை வழக்கு பதிவு செய்ய திட்டமிட்டுள்ளதாகத் தெரிகிறது.

பள்ளிகளுக்கு கோடை விடுமுறை அளிக்கப்பட்டுள்ள நிலையில், படிக்கக் கூறி துன்புறுத்தியதில் தனது மகளையும் பறிகொடுக்கும் நிலைக்கு பெற்றோர் தள்ளப்பட்டுள்ளனர்.

Also see... நூதன முறையில் பால்வண்டியில் மதுபாட்டில்கள் கடத்தல்!


Also see...




தேர்தல் செய்திகளை உடனுக்குடன் அறிய இங்கே கிளிக் செய்க. அரசியல் செய்திகள், தேர்தல் பிரசார வீடியோக்கள், சுவாரஸ்யமான வீடியோக்கள், விவாதங்கள் என அனைத்தையும் இங்கே கிளிக் செய்து காண்க.



Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Vaijayanthi S
First published: