தான் வைத்திருக்கும் வின்டேஜ் நிசான் ஜோங்கா எஸ்யூவி காரை தோனி மற்றும் அவரது மகள் ஷிவா இணைந்து சுத்தம் செய்யும் வீடியோ வைரலாகி வருகிறது.
இந்திய ராணுவத்தில் பயன்படுத்தப்படும் வின்டேஜ் நிசான் ஜோங்கா எஸ்யூவி காரை தோனி வைத்துள்ளார். நிசான் Jonga எஸ்யூவி கார் உற்பத்தி நிறுத்தப்பட்டு பல ஆண்டுகள் ஆகிவிட்டன. நிறுத்தும் முன்னர் லிமிடெட் எடிஷனாக குறைந்த எண்ணிக்கையிலான கார்கள் பொதுமக்களின் பயன்பாட்டுக்காக விற்கப்பட்டன. இத்தகைய வின்டேஜ் ரக காரைத்தான் தற்போது தோனி பயன்படுத்தி வருகிறார்.
இந்தியா - தென்னாப்பிரிக்கா அணிகள் விளையாடிய 3வது டெஸ்ட் போட்டி ராஞ்சியில் நடைபெற்றது. இந்த டெஸ்ட் போட்டியில் 4வது நாள் ஆட்டத்தின் போது தோனி மைதானத்திற்கு இந்த காரில் தான் சென்றார். மைதானத்திற்கு தோனி வந்த போது அங்கு கூடியிருந்த ரசிகர்கள் உற்சாக வரவேற்பு கொடுத்தனர்.
இந்நிலையில், தோனி தனது இன்ஸ்டாகிராமில் வீடியோ ஒன்றை பதிவு செய்துள்ளார். அதில் வின்டேஜ் காரை சுத்தம் செய்யும் போது ஷிவாவும் அவருக்கு உதவி செய்கிறார். பள்ளி சீருடையில் ஷிவா செய்யும் உதவியை தான் தோனி பகிர்ந்துள்ளார்.
வங்கதேச அணிக்கு எதிரான தொடருக்கான இந்திய அணியில் தோனி இடம்பெறவில்லை. ஜார்கண்ட் மைதானத்தில் அவர் பயிற்சியை தொடங்கிவிட்டதாக தகவல்கள் வெளியாகி உள்ள நிலையில் ஜனவரி மாதம் தொடங்க உள்ள இலங்கை அணிக்கு எதிரான தொடரில் அவர் அணியில் இடம்பெறுவார் என்று எதிர்பார்க்கப்படுகிறது.
Also Watch
உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE - 50, TCCL - 57, SCV - 28, VK Digital - 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.