Tokyo Olympics Mirabai Chanu| மீராபாய் சானு: வறுமையை வென்றார், ஒலிம்பிக்கையும் வென்றார், இதயங்களையும் வென்றார்!

வெள்ளி வென்ற மீராபாய் சானுவின் கடினமான வாழ்க்கை.

மணிபூர் மாநிலத்தின் மிக ஏழ்மையான குடும்பங்களில் ஒன்று சாய்கோம் கிரிடி மீடியுடையது. அவரது கடைசி பெண் குழந்தைதான் மீராபாய் சானு. இன்று பளுதூக்குதல் போட்டியில் ஒளிர்வதற்கு முன்னால் காட்டில் விறகுக் கட்டைகளை தூக்கிய ஏழ்மையான வாழ்க்கை முறையில் வளர்ந்தவர்.

  • Share this:
    இந்தியாவின் ஏழ்மையான பின் தங்கிய மாநிலமான மணிப்பூரைச் சேர்ந்தவர்தான் இன்று ஒலிம்பிக்கில் பளுத்தூக்குதல் 49 கிலோ உடல் எடைபிரிவில் வெள்ளிப்பதக்கம் வென்று வரலாறு படைத்த மீராபாய் சானு.

    சனிக்கிழமையான இன்று ஒலிம்பிக் பளுத்தூக்குதல் பிரிவில் மிகவும் எதிர்பார்க்கப்பட்ட இந்தியாவின் தங்க மங்கை என்று அழைக்கபடும் மீராபாய் சானு வெள்ளிப்பதக்கம் வென்று வரலாறு படைத்தார். மல்லேஸ்வரிக்குப் பிறகு ஒலிம்பிக் பதக்கம் வெல்லும் இந்திய பளுத்தூக்கும் வீராங்கனை மீராபாய் சானுதான்.

    ஓலிம்பிக் வெள்ளி மங்கை மீராபாய் சானு


    மணிபூர் மாநிலத்தின் மிக ஏழ்மையான குடும்பங்களில் ஒன்று சாய்கோம் கிரிடி மீடியுடையது. அவரது கடைசி பெண் குழந்தைதான் மீராபாய் சானு. இன்று பளுதூக்குதல் போட்டியில் ஒளிர்வதற்கு முன்னால் காட்டில் விறகுக் கட்டைகளை தூக்கிய ஏழ்மையான வாழ்க்கை முறையில் வளர்ந்தவர்.

    மீராபாய் சானுவின் அம்மா பெட்டிக்கடை நடத்தி வந்தார். வீட்டிலிருந்து சிறிது தொலைவில் இருக்கும் காட்டில் மீராபாய் சானுவும் அவரது சகோதரரும் விறகுக் கட்டைகளைச் சுமந்து வந்தனர்.

    Also Read: Tokyo Olympics Mirabai Chanu| வரலாறு படைத்தார் இந்திய வீராங்கனை மீராபாய் சானு: டோக்கியோ ஒலிம்பிக் பளுதூக்குதலில் வெள்ளி பதக்கம்

    சகோதரனை விட அதிக எடை விறகுக் கட்டைகளை சுமந்தவர் மீராபாய் சானு. பளுதூக்குதலுக்கு இது ஒரு பூர்வாங்க அனுபவமாக அமைந்துள்ளது, வறுமையே அனுபவமாக மாறிய நிலையில் வறுமையிலிருந்து ஒலிம்பிக் பதக்கம் வென்று தேச்த்தையே தலைநிமிர வைத்துள்ளார் மீராபாய் சானு.



    இவரை பளுதூக்குதலுக்கு அழைத்து வந்தவர் குஞ்சராணி தேவி என்பவரே. குஞ்சராணி தேவியின் பளுதூக்கும் பராக்கிரமத்தைப் பார்த்து தானும் பளுதூக்குதல் வீராங்கனையாக வேண்டும் என்று விரும்பினார். ஆனால் பயிற்சி மையம் வீட்டிலிருந்து 60 கிமீ தூரத்தில் இருந்தது. தினமும் ரயிலில்தான் செல்ல முடியும்.

    தன் தொடக்க கால நாட்களைப் பற்றி மீராபாய் சானு பேட்டி ஒன்றில் கூறியபோது, “நான் தினசரி சாப்பிட வேண்டிய உணவுகளின் டயட் பட்டியலைக் கொடுத்தார்கள். தினசரி அரை லிட்டர் பால், குறிப்பிட்ட அளவு கறி சாப்பிட வேண்டும் என்றெல்லாம் அதில் குறிப்பிட்டிருந்தது. ஆனால் அதில் குறிப்பிட்டிருந்தபடி வாரம் ஒருமுறை எனக்கு தரமான உணவு தரவே என் குடும்பத்தினர் தங்கள் தேவைகளைக் குறைத்து தியாகம் செய்யவேண்டி இருந்தது” என்கிறார்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    ஆம்! மீராபாய் சானுவின் குடும்பம் வறுமையில்தான் இந்த ஒலிம்பிக் வெள்ளி வீராங்கனையை தியாகத்தினால் வளர்த்தெடுத்தது.

    ரியோ ஒலிம்பிக்கின் ஏமாற்றத்தை இப்போது வெள்ளி மூலம் கனவாக மாற்றியுள்ளார் மீராபாய் சானு. 2018-ல் உலக சாம்பியன் ஆனார். தனது சொந்த தேசிய சாதனையையே முறியடித்தார். 2021-ல் பளுத்தூக்குதல் கிளீன் அண்ட் ஜெர்க்கில் புதிய உலக சாதனை படைத்தார். இப்போது ஒலிம்பிக் வெள்ளி மங்கையானார் மீராபாய் சானு.
    Published by:Muthukumar
    First published: