• HOME
  • »
  • NEWS
  • »
  • sports
  • »
  • Euro 2020: தோல்விக்காக நிறவெறி வசையை ஒருபோதும் ஏற்க முடியாது: இங்கிலாந்து கோச் சவுத்கேட் காட்டம்

Euro 2020: தோல்விக்காக நிறவெறி வசையை ஒருபோதும் ஏற்க முடியாது: இங்கிலாந்து கோச் சவுத்கேட் காட்டம்

இங்கிலாந்து வீரர்கள்

இங்கிலாந்து வீரர்கள்

இங்கிலாந்து வீரர்களுக்கு எதிரான நிறவெறி, இனவெறித் தாக்குதலை மன்னிக்க முடியாது என்று அந்த அணியின் மேனேஜர் கரேத் சவுத்கேட் தெரிவித்தார்.

  • Share this:
    இங்கிலாந்து வீரர்களுக்கு எதிரான நிறவெறி, இனவெறித் தாக்குதலை மன்னிக்க முடியாது என்று அந்த அணியின் மேனேஜர் கரேத் சவுத்கேட் தெரிவித்தார்.

    லண்டன் வெம்பிலி மைதானத்தில் நடந்த யூரோ கோப்பை கால்பந்துப் போட்டியின் இறுதி ஆட்டத்தில் இத்தாலி அணியை எதிர்த்து இங்கிலாந்து அணி மோதியது. இதில் ஆட்டநேர முடிவில் இரு அணிகளும் 1-1 என சமநிலையில் இருந்ததையடுத்து, பெனால்டி சூட் முறை கடைப்பிடிக்கப்பட்டது. இதில் இங்கிலாந்து அணியை 2-3 என்ற கணக்கில் இத்தாலி அணி வென்று 50 ஆண்டுகளுக்குப் பின் கோப்பையை வென்றது.

    இதையும் படிங்க: நிறவெறிக்கு எதிராக உலக நாடுகள் ஒன்றுபடவேண்டும் - பால் போக்பா

    இதில் இங்கிலாந்து அணியில் கேப்டன் கேன், மெக்குயிர் இருவரும் பெனால்டி சூட்டில் கோல் அடித்தனர். ஆனால், மற்ற 3 வீரர்களான மார்கஸ் ராஷ்போர்ட், ஜாடன் சாங்கோ, சாகா ஆகியோர் அடித்த கோல்களில் ஒருவர் போஸ்ட்டில் அடிக்க மற்ற 2 ஷாட்களையும் இத்தாலி கோல்கீப்பர் டோனாருமா தடுத்துவிட்டார். இதில் இங்கிலாந்து தரப்பில் கோல் அடிக்கத் தவறிய 3 வீரர்களுமே கறுப்பின வீரர்கள்.

    இதையும் படிங்க: உங்களுக்கு வந்தா ரத்தம் எங்களுக்கு வந்தா தக்காளி சட்னியா?- இங்கிலாந்தின் யூரோ கோப்பை தோல்வியைக் கேலி செய்த நியூசிலாந்து கிரிக்கெட் வீரர்கள்

    இங்கிலாந்து அணியின் தோல்விக்கு இந்த 3 கறுப்பின வீரர்களும் காரணமாகிவிட்டதாகக் கூறி சமூக வலைதளத்தில் இங்கிலாந்து ரசிகர்கள் நிறவெறி, இனவெறிப் பதிவுகளை இடத் தொடங்கினர். இப்பதிவுகள்தான் தற்போது சர்வதேச அளவில் பெரும் கண்டனத்துக்கு ஆளாகியுள்ளன.

    இந்த நிலையில் இந்த நிறவெறி, இனவெறிப் பதிவுகள் மன்னிக்க முடியாதவை என்று இங்கிலாந்து கால்பந்து அணியின் மேனேஜர் கரேத் சவுத்கேட் தெரிவித்துள்ளார்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    இதுகுறித்து செய்தியாளர்கள் சந்திப்பில் அவர் கூறும்போது, “இங்கிலாந்து வீரர்கள் மீதான இனவெறி, நிறவெறித் தாக்குதல்கள் மன்னிக்க முடியாதவை. நாட்டின் தேசிய அணி என்பது அனைத்து மக்களின் ஒற்றுமையைக் குறிக்கிறது. இது தொடர வேண்டும். நாம் நமது நாட்டின் ஒற்றுமையைக் காண வேண்டும். யார் பெனால்டியில் பங்குபெற வேண்டும் என்பதை நான்தான் முடிவு செய்தேன். எந்த வீரரும் தானாக முன்வருவதில்லை” என்று கரேத் சவுத்கேட் தெரிவித்தார்.

    நிறவெறிப் பதிவுகளுக்கு இங்கிலாந்து கிரிக்கெட் அணியின் முன்னாள் கேப்டன் கெவின் பீட்டர்ஸன், பிரிட்டன் பிரதமர் போரிஸ் ஜான்சன் ஆகியோரும் கண்டனம் தெரிவித்துள்ளனர்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Muthukumar
    First published: