ஹோம் /நியூஸ் /விளையாட்டு /

என்னையே உத்வேகப்படுத்தும் வெற்றி- நடாலுக்கு பெடரரின் இதயம் கனிந்த வாழ்த்துக்கள்

என்னையே உத்வேகப்படுத்தும் வெற்றி- நடாலுக்கு பெடரரின் இதயம் கனிந்த வாழ்த்துக்கள்

நடால் - பெடரர்.

நடால் - பெடரர்.

உங்கள் நம்பமுடியாத பணி நெறிமுறை, அர்ப்பணிப்பு மற்றும் போராடும் மனப்பான்மை எனக்கும் உலகெங்கிலும் உள்ள எண்ணற்ற பிறருக்கும் உத்வேகம் அளிக்கிறது- நடாலுக்கு பெடரர் வாழ்த்து

  • News18 Tamil
  • 1 minute read
  • Last Updated :

    சாம்பியன் வீரர் ரோஜர் பெடரர் தனது நீண்டகால நண்பரும் போட்டியாளருமான ரஃபேல் நடால் ஞாயிற்றுக்கிழமை ஆஸ்திரேலிய ஓபன் சாம்பியன் பட்டத்தை வென்று 21 வது கிராண்ட்ஸ்லாம் வெற்றியை பெற்று வரலாறு படைத்ததற்கு தன் இதயம் கனிந்த வாழ்த்துக்களை தெரிவித்துள்ளார்.

    ஞாயிற்றுக்கிழமை நடைபெற்ற ஆஸ்திரேலிய ஓபன் ஆண்கள் ஒற்றையர் இறுதிப் போட்டியில் நடால், டைட்டில் மோதலில் இரண்டு செட்களில் தோற்று பிறகு வரலாறு காணாத எழுச்சிபெற்று ரஷ்ய வீரர் டேனியல் மெட்வடேவை தோற்கடித்தார்.

    அவரது வெற்றியின் மூலம், நடால் அதிக ஆண்கள் ஒற்றையர் கிராண்ட்ஸ்லாம் பட்டியலில் ரோஜர் பெடரர் மற்றும் நோவக் ஜோகோவிச்சை முந்தினார் மற்றும் ஒற்றையர் பிரிவில் 20 கிராண்ட்ஸ்லாம் பட்டங்களுக்கும் கூடுதலாக வென்ற முதல் ஆண் வீரர் ஆனார். மெல்போர்னில் நடந்த பரபரப்பான இறுதிப் போட்டியில் நடால் 2-6, 6-7 (5), 6-4, 6-4, 7-5 என்ற செட் கணக்கில் வெற்றி பெற்றார்.

    நடாலின் வெற்றிக்கு பதிலளித்த பெடரர் இன்ஸ்டாகிராமில் ஒரு செய்தியை வெளியிட்டார், “என்ன ஒரு போட்டி! எனது நண்பரும் சிறந்த போட்டியாளருமான ரபேல் நடால் 21 கிராண்ட்ஸ்லாம் ஒற்றையர் பட்டங்களை வென்ற முதல் வீரரானதற்கு மனமார்ந்த வாழ்த்துக்கள். சில மாதங்களுக்கு முன்பு நாங்கள் இருவரும் ஊன்றுகோல் வைத்துக்கொண்டு நடப்பது பற்றி நகைச்சுவையாகப் பேசிக்கொண்டிருந்தோம். அற்புதம். ஒரு சிறந்த சாம்பியனை ஒருபோதும் குறைத்து மதிப்பிடாதீர்கள்,

    உங்கள் நம்பமுடியாத பணி நெறிமுறை, அர்ப்பணிப்பு மற்றும் போராடும் மனப்பான்மை எனக்கும் உலகெங்கிலும் உள்ள எண்ணற்ற பிறருக்கும் உத்வேகம் அளிக்கிறது. இந்த சகாப்தத்தை உங்களுடன் பகிர்ந்து கொள்வதில் நான் பெருமைப்படுகிறேன், மேலும் நீங்கள் செய்ததைப் போல மேலும் சாதிக்க உங்களைத் தூண்டுவதில் பங்களிப்பதில் பெருமைப்படுகிறேன். கடந்த 18 ஆண்டுகளாக நீங்கள் எனக்கு செய்ததைத்தான் நான் உங்களுக்கு இப்போது கூறுகிறேன்.

    உங்களுக்கு இன்னும் பல சாதனைகள் உண்டு என்று நான் நம்புகிறேன் ஆனால் இப்போதைக்கு இதை அனுபவிக்கவும்!” என்று பெடரர் வாழ்த்து தெரிவித்துள்ளார்.

    Published by:Muthukumar
    First published:

    Tags: Rafael Nadal, Roger Federer, Tennis