Lionel Messi: நெய்மருக்கு ஆறுதல் சொன்ன மெஸ்ஸி - வைரலாகும் வீடியோ

கோப்பா அமெரிக்கா கால்பந்து தொடர் இறுதிப் போட்டியில் சாம்பியன் பிரேசிலை 1-0 என்ற கோல் கணக்கில் வீழ்த்திய அர்ஜெண்டீனா 28 ஆண்டுகளுக்குப் பிறகு சாம்பியன் ஆனது. அர்ஜெண்டீனா வீரர் ஏஞ்செல் டி மரியா ஆட்டத்தின் 21-வது நிமிடத்தில் கோல் அடித்தார். மெஸ்ஸி தலைமையில் அர்ஜெண்டீனா வெல்லும் முதல் பெரிய கோப்பையாகும் இது.

உலகம் முழுவதும் இருக்கும் மெஸ்ஸியின் ரசிகர்கள் இந்த வெற்றியை கொண்டாடி வருகின்றனர். இணையத்தில் #Messi #GOAT என்ற ஹேஷ்டேக்குகள் ட்ரெண்டாகி வருகிறது. மெஸ்ஸி கோப்பையுடன் இருக்கும் புகைப்படம் இணையத்தில் வைரலாகி உள்ளது. அர்ஜெண்டீனா கேப்டன் மெஸ்ஸியை சக வீரர்கள் தூக்கி கொண்டாடும் புகைப்படம் இணையத்தில் ட்ரெண்டிங்கில் உள்ளது.

#CopaAmérica 🏆

¡LO LINDO DEL FÚTBOL! Emotivo abrazo entre Messi 🇦🇷 y Neymar 🇧🇷 ¡ÍDOLOS!

🇦🇷 Argentina 🆚 Brasil 🇧🇷#VibraElContinente #VibraOContinente pic.twitter.com/ecknhlv2VI

— Copa América (@CopaAmerica) July 11, 2021

அதேவேளையில் நெய்மருக்கு மெஸ்ஸி ஆறுதல் கூறும் வீடியோ இணையத்தில் வைரலாகி வருகிறது. பிரேசில்  கேப்டன் நெய்மார் மைதானத்தில் குலுங்கிக் குலுங்கி அழுதார். நடுவர் இறுதிவிசில் அடித்ததும் மைதானத்தில் அர்ஜெண்டீனா வீரர்கள் வெற்றிக்கொண்டாட்டத்தில் திளைத்திருந்தனர். பிரேசில் வீரர் நெய்மர் , மெஸ்ஸியை நோக்கி வந்தார். மெஸ்ஸி, நெய்மரை ஆரத்தழுவி அவருக்கு ஆறுதல் சொன்னார். அதேநேரத்தில் வெற்றிக்கொண்டாட்டத்தில் இருந்த தனது அணி வீரர்களில் முதுகில் தட்டிக்கொடுத்த மெஸ்ஸி. நெய்மரை ஆரத்தழுவி ஆறுதல் கூறிய காட்சிகள் இணையத்தில் வெளியாகி வைரலாகியுள்ளது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.