IPL 2022 RCB: மீண்டும் ஆர்சிபி-யில் ஏ.பி.டிவில்லியர்ஸ்- கோலியின் கோரிக்கைக்கு யெஸ்!

இந்தியன் பிரீமியர் லீக் (IPL) 2021க்குப் பிறகு தென்னாப்பிரிக்காவின் முன்னாள் கேப்டனும், ராயல் சேலஞ்சர்ஸ் பெங்களூரு (RCB) விக்கெட் கீப்பருமான ஏபி டி வில்லியர்ஸ் அனைத்து வகையான ஆட்டங்களில் இருந்தும் ஓய்வு பெறுவதாக அறிவித்தார். இருப்பினும், ஐபிஎல் 2022-ல் டி வில்லியர்ஸ் மீண்டும் டி20 லீக்கிற்குத் திரும்ப உள்ளார். ஆனால் வீரராக அல்ல ஒரு புதிய பாத்திரத்தில்.

சனிக்கிழமை (மார்ச் 12) ஒரு நிகழ்வில், ஆர்சிபி புதிய கேப்டனை அறிவிக்கப் போவது மட்டுமல்லாமல், டி ல்லியர்ஸை ஒரு 'ஆலோசகராக' வெளிப்படுத்த வாய்ப்புள்ளது. இன்சைட் ஸ்போர்ட் இணையதளத்தின்படி, ஐபிஎல் 2021க்குப் பிறகு விராட் கோலி அணியின் கேப்டன் பதவியில் இருந்து விலகிய பிறகு டிவில்லியர்ஸை பயிற்சியாளர் குழுவில் 'வழிகாட்டியாக' சேருமாறு கோலி கேட்டுக் கொண்டார்.

டிவில்லியர்ஸ் கடந்த சீசனில் 15 போட்டிகளில் 2 அரைசதங்கள் மற்றும் 148.34 ஸ்ட்ரைக் ரேட்களுடன் 313 ரன்கள் எடுத்தார். அவரது ஐபிஎல் வாழ்க்கையில் ஒட்டுமொத்தமாக, டிவில்லியர்ஸ் 184 ஆட்டங்களில் 39.7 சராசரியுடன் 3 சதங்கள் மற்றும் 40 அரைசதங்களுடன் 151.68 ஸ்ட்ரைக்-ரேட்டுடன் 5,162 ரன்கள் எடுத்தார்.

ஐபிஎல் 2022க்கான புதிய கேப்டனாக டி வில்லியர்ஸின் நாட்டவரான ஃபாஃப் டு பிளெசிஸை RCB பெயரிட உள்ளது. இதற்காக மார்ச் 12 ஆம் தேதி மாலை 4 மணிக்கு செய்தியாளர் சந்திப்புக்கு RCB அழைப்பு விடுத்துள்ளது.

ஐபிஎல் போட்டிகள் வரும் 26ம் தேதி தொடங்குகிறது, இரு பிரிவுகளாக 10 அணிகள் பிரிக்கப்பட்டு இந்த முறை விறுவிறுப்புக் கூடுதலுடன் விளையாடப்படவுள்ளது, போட்டிகள் மகாராஷ்ட்ராவில் நடைபெறுகின்றன, இன்னும் பிளே ஆஃப் ஷெட்யூல், கிரவுண்ட் அறிவிக்கப்படவில்லை என்பது குறிப்பிடத்தக்கது.

ஏ.பி.டிவில்லியர்ஸ் அணியின் மெண்ட்டாராக வந்த பிறகாவது ஆர்சிபி கோப்பையை தூக்குமா என்பதைப் பார்க்க ரசிகர்கள் ஆவலுடன் காத்திருக்கின்றனர்.