Home /News /sports /

ஐபிஎல் ஏலத்துக்கு உலகக்கோப்பை வென்ற எட்டு யு-19 வீரர்களுக்கு அனுமதி இல்லை- ஏன் தெரியுமா?

ஐபிஎல் ஏலத்துக்கு உலகக்கோப்பை வென்ற எட்டு யு-19 வீரர்களுக்கு அனுமதி இல்லை- ஏன் தெரியுமா?

யாஷ் துல், ஷேக் ரஷீத்

யாஷ் துல், ஷேக் ரஷீத்

IPL 2022 Auction: 19 வயதுக்குட்பட்ட இந்திய வீரர்களில் எட்டு பேர் ஐபிஎல் ஏலத்தில் அனுமதிக்கப்பட மாட்டார்கள், ஏனெனில் அவர்கள் பிசிசிஐ நிர்ணயித்த அளவுகோல்களை பூர்த்தி செய்யவில்லை.

  • Cricketnext
  • 2 minute read
  • Last Updated :
    19 வயதுக்குட்பட்ட இந்திய வீரர்களில் எட்டு பேர் ஐபிஎல் ஏலத்தில் அனுமதிக்கப்பட மாட்டார்கள், ஏனெனில் அவர்கள் பிசிசிஐ நிர்ணயித்த அளவுகோல்களை பூர்த்தி செய்யவில்லை.

    விதிகளின்படி, அவர்கள் குறைந்தபட்சம் ஒரு முதல் தர போட்டி அல்லது லிஸ்ட் ஏ போட்டியில் விளையாடியிருக்க வேண்டும் அல்லது ஏலம் நடைபெறுவதற்கு முன்பு 19 வயதை எட்டியிருக்க வேண்டும். இதுபோன்ற சூழ்நிலையில், 19 வயதுக்குட்பட்ட வீரர்களில் எட்டு பேர்: விக்கெட் கீப்பர் தினேஷ் பானா, 19 வயதுக்குட்பட்ட இந்திய அணியின் துணை கேப்டன், பேட்ஸ்மேன் ஷேக் ரஷீத், இடது கை வேகப்பந்து வீச்சாளர் ரவிக்குமார், ஆல்-ரவுண்டர்கள் நிஷாந்த் சிந்து மற்றும் சித்தார்த் யாதவ், தொடக்க ஆட்டக்காரர் ஆங்கிரிஷ் ரகுவன்ஷி, மானவ் பராக் , மற்றும் கார்வ் சங்வான் ஐபிஎல் ஏலத்திற்கு தகுதி பெறமாட்டார்கள்.

    இந்த விஷயத்தில் பிசிசிஐ இன்னும் முடிவு எடுக்கவில்லை என்றாலும், கடந்த இரண்டு ஆண்டுகளில் உள்நாட்டு கிரிக்கெட் எதுவும் விளையாடாததால், விதிவிலக்கு அளிக்கப்படலாம் என்று வாரியத்தில் உள்ள பலர் நினைக்கிறார்கள். ஐபிஎல் 2022 வீரர்கள் ஏலக் குழுவில் மொத்தம் 590 கிரிக்கெட் வீரர்கள் உள்ளனர், பெங்களூருவில் நடைபெறும் இரண்டு நாள் நிகழ்வின் போது அவர்கள் பெயர்கள் இடம்பெறும். ஏலத்தில் பதிவுசெய்யப்பட்ட வீரர்களில் 228 கேப்டு வீரர்கள், 355 அன்கேப்டு வீரர்கள் மற்றும் ஏழு பேர் அசோசியேட் நேஷன்ஸ் வீரர்கள்.

    இந்நிலையில் மூத்த பிசிசிஐ செயலர் ரத்னாகர் ஷெட்டி கூறுகையில், “U-19 மற்றும் List A விளையாட்டுகள் ஒரே நேரத்தில் விளையாடப்பட்டதால், இந்த யு-19 வீரர்களால் லிஸ்ட் A போட்டிகளில் விளையாட முடியவில்லை என்பது துரதிர்ஷ்டவசமானது. ஒரு சமயத்தில், தொற்றுநோய் காரணமாக கிரிக்கெட் இல்லை. பிசிசிஐ இதை ஒரு சிறப்பு விவகாரமாகக் கருத வேண்டும் என்று நான் நினைக்கிறேன், இதனால் வீரர்கள் இழக்கக்கூடாது. அணி சிறப்பாகச் செயல்பட்டுள்ளதால், வாய்ப்பை இழக்கக் கூடாது” என்றார்.

    எம்.எஸ்.கேபிரசாத் மற்றும் அவரது ஆந்திர பிரதேச கிரிக்கெட் அகாடமி கண்டுகொள்ளாமல் இருந்திருந்தால் யு-19 உலகக்கோப்பை வென்ற அணியின் வைஸ் கேப்டன் க்ஷேக் ரஷீத்தின் மேற்கிந்திய தீவுகள் பயணம் சாத்தியமில்லை, பிறகு பிரசாத்தினால்தான் அவர் இங்கிலாந்தில் தங்கியிருந்து 2 மாத காலம் ஸ்கூல் கிரிக்கெட் ஆட முடிந்தது. அதில்தான் அவருக்கு கிரிக்கெட் உலகம் பற்றி தெரியவந்தது. பிரசாத் இது தொடர்பாக நியூஸ் 18-இடம் பிரத்யேகமாகக் கூறும்போது, தன்னை ரஷீத்தின் தந்தை சந்திக்கும் வரை ரஷீத்தின் எதிர்காலம் குறித்து அவர் கவலை கொண்டதாகத் தெரிவித்தார்.

    “ஷேக்கிற்கு ஆறு அல்லது ஏழு வயதாக இருந்தபோது, ​​அவரது தந்தை கிரிக்கெட்டின் மீது மிகுந்த ஆர்வம் கொண்டிருந்தார், மேலும் தனது மகனை ஒரு நல்ல கிரிக்கெட் வீரராக உருவாக்க விரும்பினார். குண்டூரில் உள்ள ஒரு சிறிய நகரத்தைச் சேர்ந்த அவர், தனது மகனின் பயிற்சிக்காக ஹைதராபாத் சென்றார். அவர் அங்கும் இங்கும் ஓடிக்கொண்டிருந்தார், இறுதியாக ஆந்திராவில் நாங்கள் ரெசிடென்ஷியல் அகாடமிகளைத் தொடங்கியபோது, ​​அவர் தனது மகனை எங்கள் அகாடமி ஒன்றில் சேர்த்தார், அங்கு ஜே.கிருஷ்ணா ராவ் தலைமைப் பயிற்சியாளராக இருந்தார். எளிமையான, கடினமான பின்னணியில் இருந்து வந்தாலும், கிரிக்கெட் மீதான தந்தையின் பேரார்வம் அழியவில்லை.” என்றார் பிரசாத்.
    Published by:Muthukumar
    First published:

    Tags: IPL 2022

    அடுத்த செய்தி