Home /News /sports /

IPL 2022| ‘கேப்டன்’ ஹர்திக் பாண்டியாவுக்கு ரூ.15 கோடி- ஷுப்மான் கில், ரஷீத் கானும் அகமதாபாத் அணியில்?

IPL 2022| ‘கேப்டன்’ ஹர்திக் பாண்டியாவுக்கு ரூ.15 கோடி- ஷுப்மான் கில், ரஷீத் கானும் அகமதாபாத் அணியில்?

அகமதாபாத் அணியில் ஹர்திக் பாண்டியா

அகமதாபாத் அணியில் ஹர்திக் பாண்டியா

அகமதாபாத் ஐபிஎல் உரிமைதாரர்கள் ஆஷிஷ் நெஹ்ரா, கேரி கர்ஸ்டன் மற்றும் விக்ரம் சோலங்கி ஆகியோருடன் பயிற்சியாளர்களை இறுதி செய்துள்ளது. சுவாரஸ்யமாக, இந்த மூவரும் கடந்த காலத்தில் ராயல் சேலஞ்சர்ஸ் பெங்களூரு அணிக்காக இணைந்து பணியாற்றியுள்ளனர்.

மேலும் படிக்கவும் ...
    இந்தியன் பிரீமியர் லீகின் 2022 தொடரில் புதிய அணிகளான லக்னோ மற்றும் அகமதாபாத் அணிகளுடன் சேர்த்து பத்து அணிகள் பங்கேற்கும். ஜனவரி 22 ஆம் தேதிக்குள் மூன்று வீரர்களின் ஒப்பந்தத்தை முடிக்க இரண்டு புதிய ஐபிஎல் உரிமையாளர்களை பிசிசிஐ கேட்டுக் கொண்டுள்ளது. அகமதாபாத் அணி உரிமையாளர்களான CVC கேபிட்டலின் உரிமையை முறையாக அங்கீகரிக்கும் செயல்முறை முடிந்ததும் காலக்கெடு வழங்கப்படவுள்ளது.

    ஐபிஎல் 2022 (IPL 2022) மெகா ஏலத்திற்கு முன்னதாக ஹர்திக் பாண்டியா, (Hardik Pandya) ரஷித் கான் மற்றும் ஷுப்மான் கில் (shubman Gill) ஆகியோரை அகமதாபாத் அணி சேர்க்க உள்ளது. ஈஎஸ்பிஎன் கிரிக் இன்போவின் அறிக்கையின்படி, பணம் நிறைந்த ஐபிஎல் லீக்கின் அடுத்த சீசனில் ஹர்திக் அகமதாபாத்தை வழிநடத்துவார்.

    ஹர்திக் மற்றும் ரஷித் தலா 15 கோடி ரூபாய் சம்பாதிப்பார்கள் என்றும், ஷுப்மான் 7 கோடி ரூபாய்க்கு ஒப்பந்தம் செய்யப்பட்டுள்ளனர் என்றும் அந்த அறிக்கை மேலும் கூறியுள்ளது. ஏலத்திற்கு முன்னதாக மும்பை இந்தியன்ஸ் அணியில் இருந்து ஹர்திக் விடுவிக்கப்பட்டார், ஏனெனில் அவர்கள் அவரை விட ரோஹித் ஷர்மா, கீரன் பொல்லார்ட், ஜஸ்பிரித் பும்ரா மற்றும் சூர்யகுமார் யாதவ் ஆகியோரைத் தேர்வு செய்தனர். கேன் வில்லியம்சன், உம்ரான் மாலிக் மற்றும் அப்துல் சமத் ஆகியோரைத் தக்கவைத்த சன்ரைசர்ஸ் ஹைதராபாத் அணியிலிருந்து பிரிந்து செல்ல ரஷித் முடிவு செய்தார். ஐபிஎல் 2021 சீசனுக்குப் பிறகு, ஷுப்மானை விட மற்ற வீரர்களைத் தேர்வு செய்ய கொல்கத்தா முடிவு செய்தது.

    மும்பை இந்தியன்ஸ் அணிக்காக ஹர்திக் 92 போட்டிகளில் 27.33 சராசரியில் 1476 ரன்கள் எடுத்தார், மேலும் 42 விக்கெட்டுகளையும் கைப்பற்றினார். அவர் முதன்மையாக ஒரு ஃபினிஷர் பாத்திரத்தில் பணிபுரிந்தார், பெரும்பாலும் குறைந்த வரிசையில் பேட்டிங் செய்தார். அவர் கடைசியாக 2021 இல் ஐக்கிய அரபு எமிரேட்ஸில் நடந்த டி20 உலகக் கோப்பையில் இந்தியாவுக்காக விளையாடினார், ஆனால் இந்தியா படுதோல்வி அடைந்து வெளியேறியது.

    ஐசிசி போட்டிக்குப் பிறகு, ஹர்திக் தனது 100 சதவீத உடற்தகுதியை மீட்டெடுக்கும் முயற்சியில் ஈடுபட்டு வருவதால், தேர்வில் பங்கேற்க முடியாமல் போனார்.

    இதையும் படிங்க: Dhanush: தனுஷ் - ஐஸ்வர்யா ரஜினிகாந்த் பிரிவுக்கு இது தான் காரணமா?
     அகமதாபாத் ஐபிஎல் உரிமைதாரர்கள் ஆஷிஷ் நெஹ்ரா, கேரி கர்ஸ்டன் மற்றும் விக்ரம் சோலங்கி ஆகியோருடன் பயிற்சியாளர்களை இறுதி செய்துள்ளது. சுவாரஸ்யமாக, இந்த மூவரும் கடந்த காலத்தில் ராயல் சேலஞ்சர்ஸ் பெங்களூரு அணிக்காக இணைந்து பணியாற்றியுள்ளனர்.

    ஐபிஎல் மெகா ஏலம் (IPL mega auction 2022) பெங்களூருவில் பிப்ரவரி 12 மற்றும் 13 ஆகிய தேதிகளில் நடைபெறும் என ஐபிஎல் தலைவர் பிரிஜேஷ் படேல் ஏற்கனவே அறிவித்துள்ளதும் குறிப்பிடத்தக்கது
    Published by:Muthukumar
    First published:

    Tags: Hardik Pandya, IPL 2022, Rashid Khan, Shubman Gill

    அடுத்த செய்தி