• HOME
  • »
  • NEWS
  • »
  • sports
  • »
  • KKR vs DC| சுனில் நரைன், ராணா அபாரம்- டெல்லியை ஊதிய கொல்கத்தா- 4ம் இடத்துக்கு முன்னேற்றம்

KKR vs DC| சுனில் நரைன், ராணா அபாரம்- டெல்லியை ஊதிய கொல்கத்தா- 4ம் இடத்துக்கு முன்னேற்றம்

கொல்கத்தா அபார வெற்றி.

கொல்கத்தா அபார வெற்றி.

ஷார்ஜாவில் நடைபெற்ற இன்றைய முதல் போட்டியில் கொல்கத்தா நைட் ரைடர்ஸ் அபாரமாக ஆடி டெல்லி கேப்பிடல்ஸ் அணியை வீழ்த்தியது, இதன் மூலம் 10 புள்ளிகளுடன் கொல்கத்தா அணி 4ம் இடத்துக்கு முன்னேறியுள்ளது.

  • Share this:
    டாஸ் வென்ற இயான் மோர்கன் முதலில் டெல்லியை பேட் செய்ய அழைத்து கட்டுக்கோப்பான பந்து வீச்சில் டெல்லி அணியை 127/9 என்று மட்டுப்படுத்தினார், பிறகு சேசிங்கில் ஷுப்மன் கில் (30), நிதிஷ் ராணா (36), சுனில் நரைன் (21) அதிரடியில் 18.2 ஓவர்களில் 130/7 என்று அபார வெற்றி பெற்றது. 7 விக்கெட்டுகள் விழுந்தாலும் கொல்கத்த ஆட்டத்தின் எந்தக் கட்டத்திலும் தோல்வி அடையும் நிலையில் இல்லை.

    நடுவில் ஷுப்மன் கில், மோர்கன் அடுத்தடுத்து ஆட்டமிழந்தவுடன் 67/4 என்று கொஞ்சம் தடங்கல் ஏற்பட்டது தினேஷ் கார்த்திக் மேலும் சரிவடையாமல் 12 ரன்கள் பங்களிப்பு செய்ததும் 29 ரன்களை இவரும் சுனில் நரைனும் 5வது விக்கெட்டுக்குச் சேர்த்ததும் டெல்லியிடமிருந்து ஆட்டத்தைப் பறித்தது, ஆனால் ரபாடாவை சுனில் நரைன் ஒரே ஓவரில் 21 ரன்கள் விளாச ஆட்டம் கொல்கத்தா வெற்றி என்று உறுதியானது. டெல்லி தரப்பில் ஆவேஷ் கான் அற்புதமாக வீசி ராகுல் திரிபாதி, தினேஷ் கார்த்திக், டிம் சவுதி விக்கெட்டைக் கைப்பற்றி 13 ரன்களுக்கு 3 விக்கெட் என்று அசத்தினார்.

    ஆக்ரோஷமான அணுகுமுறையில் நார்ட்யே வீசிய முதல் ஓவரிலேயே வெங்கடேஷ் அய்யர் இரண்டு அதிரடி பவுண்டரிகளை விளாசி தைரியம் காட்டினார். நிதிஷ் ராணா இடையில் லலித் யாதவின் ஒரே ஓவரில் 2 சிக்சர்களை விளாசினார், ஷுப்மன் கில், அக்சர் படேலை ஒருசிக்சரும், அஸ்வினை ஒரு சிக்சரும் விளாசினார். சுனில் நரைன் பந்து வீச்சிலும் அற்புதமாக வீசி 2 விக்கெட்டுகளை 18 ரன்களுக்குக் கைப்பற்றினார். இந்த சுனில் நரைனைக் கண்டால்தான் பேட்ஸ்மென்களுக்கு வயிற்றைக் கலக்கும். நரைனை அடிக்கவே முடியாது என்ற நிலைதான்.

    டெல்லி அணியில் பிரிதிவி ஷா ஆடாததால் ஸ்டீவ் ஸ்மித் இறங்கினார், இவரும் ஷிகர் தவானும் 5 ஓவர்களில் 35 ரன்களை சேர்த்தனர், தவான் 20 பந்துகளில் 24 ரன்களில் பெர்கூசன் பந்தில் அய்யரிடம் கேட்ச் ஆகி வெளியேறினார். ஷ்ரேயஸ் அய்யருக்கு சுனில் நரைன் வீசிய பந்து பிட்ச் ஆகி நின்று திரும்பி ஸ்டம்பை பதம் பார்த்தது கிரேட் டெலிவரி 1 ரன்னில் அவுட் ஆனார் அய்யர். ரிஷப் பந்த்திற்கு டைமிங் சரியாகக் கிடைக்கவில்லை, மேலும் பிட்ச் அடித்து ஆடக்கூடிய பிட்ச் அல்ல. ஸ்மித்தும் ரிஷப் பந்த்தும் ஸ்கோரை 77 ரன்களுக்க்குக் கொண்டு சென்றனர்.

    ஸ்மித் 39 ரன்களில் பெர்கூசனிடம் பவுல்டு ஆனார், ஷிம்ரன் ஹெட்மையர், வெங்கடேஷ் அய்யர் பந்தை லாங் ஆஃபில் அடித்து கேட்ச் ஆனார். லலித் யாதவ், அக்சர் படேல் டக் அவுட் ஆகி வெளியேறினர். அஸ்வின் 9 ரன்களையும் ஆவேஷ் கான் 5 ரன்களையும் எடுக்க ரிஷப் பந்த் பொறுப்புடன் ஆடி 39 ரன்கள் எடுக்க டெல்லி 127 ரன்கள் எடுத்தது, இந்த பிட்சில் இது ட்ரிக்கியான டோட்டல்தான்.

    ஆனால் கொல்கத்தாவின் அச்சமற்ற கிரிக்கெட் ஆட்டத்தினால் விக்கெட்டுகள் விழுந்தாலும் 10 பந்துகள் மீதமிருக்கையில் 130/7 என்று வென்றனர். ஆட்ட நாயகனாக ஆல்ரவுண்ட் நாயகன் சுனில் நரைன் தேர்வு செய்யப்பட்டார்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Muthukumar
    First published: