டிவில்லியர்ஸ் சூறாவளி ஆட்டம்: 194 ரன்கள் குவித்த பெங்களூரு அணி

ஐ.பி.எல் தொடரின் 28-வது போட்டியில் கொல்கத்தா அணியும் பெங்களூரு அணியும் மோதுகின்றன. டாஸ் வென்ற பெங்களூரு அணி பேட்டிங்கைத் தேர்வு செய்தது. பெங்களூரு அணியின் தொடக்க வீரர்களாக ஆரோன் ஃபின்ஞ்ச் மற்றும் தேவ்தத் படிக்கல் களமிறங்கினர். இருவரும் நிதானமான ஆட்டத்தை தொடங்கினர். படிக்கல் 23 பந்துகளில் 32 ரன்கள் எடுத்திருந்தநிலையில் ஆட்டமிழந்தார். அவரைத் தொடர்ந்து கேப்டன் விராட் கோலி களமிறங்கினார். கோலி நிதானமான ஆட்டத்தை தொடர்ந்தார். மறுபுறம் நிதானமாக ஆடிய ஃபின்ஞ்ச் 37 பந்துகளில் 47 ரன்கள் எடுத்திருந்தநிலையில் ஆட்டமிழந்தார். அவரைத் தொடர்ந்து ஏபி டிவில்லியர்ஸ் களமிறங்கினார்.

அவர், தொடக்கம் முதலே அதிரடியைக் காட்டினர். கொல்கத்தா அணி வீரர்களின் பந்துவீச்சை நாலாப்புறமும் சிதறடித்தார். சூறாவளி ஆட்டத்தை வெளிப்படுத்தினார். விராட் கோலி, டிவில்லியர்ஸ் இணை விக்கெட் இழப்பின்றி அணியின் ஸ்கோரை உயர்த்தினர். டிவில்லியர்ஸ் 33 பந்துகளில் 5 பவுண்டரிகள், 6 சிக்ஸர்களுடன் 73 ரன்கள் குவித்தார்.

SCHEDULE TIME TABLE:

ORANGE CAP:

கோலி 28 பந்துகளில் 33 ரன்கள் எடுத்தார். 20 ஓவர் முடிவில் பெங்களூரு அணி 2 விக்கெட் இழப்புக்கு 194 ரன்கள் குவித்தது. கொல்கத்தா அணி சார்பில் அன்ட்ரி ரஸல், பிரசித் கிருஷ்ணா தலா ஒரு விக்கெட்டுகளை வீழ்த்தினர்.