நீங்கள் எதிர்பார்க்கும் பதில் என்னிடமிருந்து வராது! - அஜிங்கிய ரஹானே

நீங்கள் எதிர்பார்க்கும் பதில் என்னிடமிருந்து வராது! - அஜிங்கிய ரஹானே

Ajinkya and Pujara

இந்தியாவில் நீண்ட இடைவெளிக்கு பிறகு ரசிகர்களுக்கு மத்தியில் விளையாடுவதற்கு ஆவலோடு உள்ளோம் என ரஹானே தெரிவித்துள்ளார்.

  • Share this:
இந்தியா இங்கிலாந்து அணிகளுக்கு இடையே 2-வது டெஸ்ட் போட்டி சென்னை சேப்பாக்கம் மைதானத்தில் நாளை நடைபெறுகிறது. இதனையொட்டி இந்திய அணியின் துணை கேப்டன் அஜிங்கிய ரஹானே காணொளி மூலம் செய்தியாளர்களை சந்தித்தார்.

அப்போது பேசிய அவர், இரண்டாவது டெஸ்ட் போட்டி நடைபெறும் சென்னை சேப்பாக்கம் மைதானம் முற்றிலும் மாற்றமடைந்துள்ளது. இந்த போட்டியில் முதல் நாளிலே பந்து திரும்பும் என்றும் முதல் டெஸ்ட் போட்டிகளில் நடந்ததை மறந்து அடுத்தடுத்து வரும் போட்டிகளில் வெற்றி பெறவே கவனம் செலுத்தி வருகிறோம் என்றும் தெரிவித்தார். நீண்ட இடைவெளிக்கு பிறகு ரசிகர்களுக்கு மத்தியில் விளையாடுவதற்கு ஆவலோடு உள்ளோம் என்று கூறிய அவர் இந்திய ரசிகர்கள் மத்தியில் விளையாடுவது எங்களுக்கு கூடுதல் பலத்தை தரும் எனவும் தெரிவித்தார்.

தொடர்ந்து பேசிய அவர், "அக்‌ஷர் பட்டேல் முழு உடல்தகுதியுடன் உள்ளார். நாளை நடைபெறும் டெஸ்ட் போட்டியில் இந்திய அணியின் சுழற்பந்து வீச்சாளர்கள் வெற்றி பெரும் முனைப்போடு செயல்படுவார்கள். முதல் டெஸ்ட் போட்டியில் சுழற்பந்து வீச்சாளர்கள் சிறப்பாக செயல்பட்டனர். ஆனால் சுழற்பந்து வீச்சாளர்களுக்கு மைதானம் உதவிகரமாக இல்லை” என கூறினார்.

`கடந்த போட்டியில் பீல்டிங்கில் சில கேட்சுகளை தவறவிட்டது பின்னடைவாக அமைந்தது. அதிகமான ’நோ’ பால்கள் வீசியதை இந்த போட்டியில் சரி செய்வதற்கான முயற்சியில் ஈடுபட்டு வருகிறோம். கேப்டன் மாறியதால் கடந்த போட்டியில் சில வீரர்கள் சிறப்பாக செயல்படவில்லை என்பது உண்மைதான். ஆனால் அது கேப்டன் மாறியதால் அல்ல. நீங்கள் எதிர்பார்க்கும் மசாலாவிற்கு என்னிடமிருந்து பதில் வராது” என செய்தியாளர்களுக்கு இந்திய அணியின் துணை கேப்டன் ராஹானே பதிலளித்தார்


உடனடி செய்திகளுக்கு இணைந்திருங்கள்
Published by:Ram Sankar
First published: