காலிறுதியில் தோல்வி - உலகக்கோப்பை தொடரில் இருந்து வெளியேறியது இந்தியா!

உலகக் கோப்பை ஹாக்கித் தொடரில் நெதர்லாந்துக்கு எதிரான காலிறுதியில் இந்திய அணி தோல்வியைத் தழுவி, தொடரில் இருந்து வெளியேறியது. 

ஒடிசா மாநிலம் புவனேஸ்வரில் 14-வது உலகக் கோப்பை ஹாக்கித் தொடர் நடைபெற்று வருகிறது. இதன், 4-வது காலிறுதிப் போட்டியில் இந்திய அணி, நெதர்லாந்து அணியுடன் மோதியது. உள்ளூர் ரசிகர்களுக்கு மத்தியில் களம் கண்ட இந்தியா, தொடக்கத்தில் வேகம் காட்டியதால், 12-வது நிமிடத்திலேயே கோல் அடித்து முன்னிலை பெற்றது.

இந்த உற்சாகத்தில் இருந்து மீள்வதற்குள் அடுத்த 3 நிமிடங்களுக்குள் நெதர்லாந்து பதில் கோல் அடித்தது. இதையடுத்து, நெதர்லாந்து அணியின் கையே ஓங்கியிருந்ததால், 50-வது நிமிடத்தில் மேலும் ஒரு கோல் அடித்து மிரட்டியது.



பின்னர் ஆட்டம் முடியும் வரை யாரும் கோல் அடிக்காத நிலையில், ஆட்டத்தின் முடிவில், 2-1 என்ற கோல்கணக்கில் வெற்றிபெற்ற நெதர்லாந்து அரையிறுதிக்கு முன்னேறியது. வருகின்ற 15-ம் தேதி நடைபெறும் அரையிறுதியில் நடப்புச் சாம்பியனான

ஆஸ்திரேலியாவுடன் நெதர்லாந்து பலப்பரீட்சை நடத்தவுள்ளது. இந்தியாவை பொறுத்தவரை, கடைசியாக 1975-ம் ஆண்டு தங்கம் வென்றது. இதையடுத்து, ஒருமுறை கூட அரையிறுதிக்குள் நுழைந்ததில்லை என்பது குறிப்பிடத்தக்கது.

Well played, boys!

You represented India at our finest. Chin up!#IndiaKaGame #HWC2018 #DilHockey pic.twitter.com/NLExsJinKO

— Hockey India (@TheHockeyIndia) December 13, 2018

முன்னதாக நடைபெற்ற மற்றொரு காலிறுதிப் போட்டியில் பெல்ஜியம் அணி, 2-1 என்ற கோல்கணக்கில் ஜெர்மனியை வீழத்தியது. இதை தொடர்ந்து நாளை மறுநாள் நடைபெறும் அரையிறுதியில் இங்கிலாந்துடன், பெல்ஜியம் அணி மோதவுள்ளது.

Also See... திருவாரூர் மாவட்ட மாணவி யோகாவில் உலக சாதனை!