பிரெஞ்ச் ஓபன் டென்னிஸ்: பெடரரை வீழ்த்தி இறுதிப் போட்டிக்கு முன்னேறினார் நடால்!

பிரெஞ்சு ஓபன் டென்னிஸ் தொடரின் அரையிறுதிப் போட்டியில் பெடரரை வீழ்த்தி ரபேல் நடால் இறுதிப் போட்டிக்கு முன்னேறினார்.

பாரிஸ் நகரில் பிரெஞ்சு ஓபன் டென்னிஸ் தொடர் நடைபெற்று வருகிறது. இதன் ஆடவர் ஓற்றையர் அரையிறுதிப் போட்டியின் தரவரிசை பட்டியலில் 3-வது இடத்தில் இருக்கும் பெடரரும், 2-வது இடத்தில் இருக்கும் நடாலும் மோதினர்.

பெடரரும் நடாலும் நேருக்கு நேர் மோதிய ஆட்டங்களில் 23-15 என நடால் முன்னிலையில் உள்ளார். நடாலுக்கு எதிரான கடைசி 5 ஆட்டங்களில் பெடரரே வெற்றி பெற்றுள்ளார். அதேசமயம் களிமண் தரையில் 13-2 என நடாலே முன்னிலையில் உள்ளார்.

பிரெஞ்சு ஓபன் டென்னிஸ் போட்டியில் நடால் - பெடரர் இதுவரை 5 முறை மோதி உள்ளனர். இதில் அனைத்து போட்டிகளிலும் நடாலே வெற்றி பெற்றுள்ளார். பிரெஞ்சு ஓபன் டென்னிஸில் கடைசியாக இவர்கள் இருவரும் 2011-ம் ஆண்டு மோதினர். இதனால் இன்று நடக்கும் அரையிறுதிப் போட்டியில் யார் வெல்வார்கள் என பரபரப்பு நிலவியது.

F E D A L#RG19 pic.twitter.com/HsuXssMPVo

— Roland-Garros (@rolandgarros) June 7, 2019

போட்டியின் முதல் சுற்றை 6-3 என நடால் கைப்பற்றினார். அடுத்த சுற்றில் பெடரர் ஆரம்பத்தில் சற்று நெருக்கடி கொடுத்த போதும் சுதாரித்து ஆடிய நடால், அந்தச் சுற்றையும் 6-4 என்று கைப்பற்றினார்.

போட்டியில் நடாலின் ஆதிக்கம் அதிகரித்ததால் 3-வது சுற்றையும் 6-2 என்ற நேர்செட் கணக்கில் பெடரரை வீழ்த்தி பிரெஞ்ச் ஓபன் இறுதிப் போட்டிக்கு நடால் முன்னேறினார்.

22 not out!@RafaelNadal secures a 6-3 6-4 6-2 win over rival Federer, and his 22nd match win in a row at Roland-Garros…

🎾 https://t.co/nKZ3xJ2F6o#RG19 pic.twitter.com/zIMYOPkEWN

— Roland-Garros (@rolandgarros) June 7, 2019