Home » News » Sports » CRICKET WOULD HAVE BEEN EASY FOR US TO GET BOGGED DOWN THINKING ABOUT ADELAIDE RAHANE AFTER WIN MUT

அடிலெய்ட் சரிவையே நினைத்துக் கொண்டிருந்தால் வீழ்ந்திருப்போம்: வெற்றிக்குப் பிறகு ரஹானே குதூகலம்

அறிமுக வீரர்களான கில், சிராஜ் அபாரம். 3-4 ஆண்டுகள் முதல்தர கிரிக்கெட் ஆடி இந்தியா ஏ ஆடி சர்வதேச கிரிக்கெட்டுக்கு வரும்போது பெரிய பயனளிக்கும்.

அடிலெய்ட் சரிவையே நினைத்துக் கொண்டிருந்தால் வீழ்ந்திருப்போம்: வெற்றிக்குப் பிறகு ரஹானே குதூகலம்
ஆட்ட நாயகன் ரஹானே.
  • News18 Tamil
  • Last Updated: December 29, 2020, 12:30 PM IST
  • Share this:
மெல்போர்ன் டெஸ்ட் போட்டியில் அடிலெய்ட் டெஸ்ட்டுக்குப் பிறகு ஊக்கமுடனும் தன்னம்பிக்கையுடனும் வந்த ஆஸ்திரேலிய அணியை புத்தெழுச்சி பெற்ற ரஹானே தலைமை இந்திய அணி வெற்றி பெற்று சாதனை புரிந்ததோடு தொடரை 1-1 என்று சமன் செய்துள்ளது.

ஆஸ்திரேலிய அணிக்கு பெரிய தலைவலியாக மாறி விட்டார் கேப்டன், பேட்ஸ்மென் ரஹானே. அருமையான டீம் ஒர்க்கில் நல்ல திட்டமிடலில் ஆஸ்திரேலிய அணியை கண்டபடி முடக்கினர் இந்திய பவுலர்கள். ரன் விகிதம் 2 ரன்களை எட்டுவதற்கு ஆஸி அணிக்கு 80 ஓவர்களுக்கும் மேல் ஆகிறது,

கேப்டன்சி, களவியூகம், பந்து வீச்சு மாற்றம் ஸ்பின்னர்களைப் பயன்படுத்தும் விதம், அமைதியான தலைமை என்று ரஹானே பின்னி எடுத்தார்.


இந்நிலையில் மெல்போர்ன் டெஸ்ட்டில் ஆட்டநாயகனாகவும் தேர்வு செய்யப்பட்ட ரஹானே கூறியதாவது:

அடிலெய்ட் டெஸ்ட் போட்டியை நினைத்துக் கொண்டிருந்தோமானால் வீழ்வது சுலபம். அதனால் அதைப் பின்னுக்குதள்ளி, தீவிர அணுகுமுறையுடன் களமிறங்கினோம், தனிநபர்களின் கூட்டு முயற்சி என்பதுதான் செய்தி. இதைச் செய்தால் முடிவு தன்னாலே வரும் என்பது எங்களுக்குத் தெரியும்.

முதலில் பேட் செய்ய விரும்பினோம். ஆனால் பவுலிங்கில் கட்டுக்கோப்புடன் வீசினோம். அஸ்வின் 10வது ஓவரில் கொடுக்கத் தொடங்கிய நெருக்கடியை தொடர்ந்து கொடுத்தார். அறிமுக வீரர்களான கில், சிராஜ் அபாரம். 3-4 ஆண்டுகள் முதல்தர கிரிக்கெட் ஆடி இந்தியா ஏ ஆடி சர்வதேச கிரிக்கெட்டுக்கு வரும்போது பெரிய பயனளிக்கும்.சிராஜ் கட்டுக்கோப்புடனும் பொறுமையுடனும் வீசுவதைப் பார்க்க மகிழ்ச்சியாக உள்ளது. அனைத்து வீரர்களையும் நினைத்து பெருமையாக உள்ளது. கில், சிராஜுக்கு பாராட்டுக்கள்.உமேஷை இழந்தது துரதிர்ஷ்டம், ஆனால் மற்றவர்கள் பங்களிப்பு அபரிமிதம். ஆல்ரவுண்டர் தேவை என்று கருதினோம் ஜடேஜா அதைப் பூர்த்தி செய்தார். 5 பவுலர்கள் உத்தி நன்றாக வேலை செய்தது.

அடிலெய்டில் ஒரு மணி நேர ஆட்டம் நம்மிடமிருந்து தட்டிப் பறிக்கப்பட்டது. உமேஷ் குணமடைந்து வருகிறார், ரோஹித் வருகை உற்சாகம் அளிக்கிறது. அவரிடம் பேசினேன் அவரும் உற்சாகமாகவே இருக்கிறார்.

இவ்வாறு கூறினார் ரஹானே.
First published: December 29, 2020
மேலும் பார்க்க
அடுத்து செய்திகள்

Top Stories