21 நோ-பால்களை தவறவிட்ட நடுவர்கள் - வீடியோ

ஆஸ்திரேலியா - பாகிஸ்தான் கிரிக்கெட் போட்டியில் முதல் நாள் ஆட்டத்தில் பந்துவீச்சாளர்கள் வீசிய 21 நோ-பால்களை நடுவர்கள் தவறவிட்டு உள்ளனர்.

ஆஸ்திரேலியா - பாகிஸ்தான் அணிகள் முதல் டெஸ்ட் போட்டி பிரிஸ்பேன் மைதானத்தில் நடைபெற்று வருகிறது. முதலில் பேட்டிங் செய்த பாகிஸ்தான் அணி 240 ரன்களுக்கு அனைத்து விக்கெட்களையும் இழந்தது.

அதையடுத்து பேட்டிங் செய்த ஆஸ்திரேலிய அணி 2ம் நாள் ஆட்ட முடிவில் 1 விக்கெட் இழப்பிற்கு 312 ரன்கள் எடுத்துள்ளது. தொடக்க வீரர் டேவிட் வார்னர் 151 ரன்களுடன் களத்தில் உள்ளார்.

இந்த டெஸ்ட் போட்டியின் முதல் நாளில் 21 நோ-பால்கள் வீசப்பட்டுள்ளன. ஆனால் நடுவர்கள் இதனை கவனிக்காமல் தவறவிட்டுள்ளனர். இந்த டெஸ்ட் போட்டியை ஒளிபரப்பும் சேனல் 7 இந்த வீடியோவை வெளியிட்டுள்ளது.

In the first two sessions of Day 2, there were 21 (!!) no-balls not called.@copes9 | #AUSvPAK pic.twitter.com/if7jQ3U3Gu

— #7Cricket (@7Cricket) November 22, 2019

ஆஸ்திரேலிய பந்துவீச்சாளரும் ஐசிசி பந்துவீச்சாளர்கள தரவரிசையில் முதலிடத்தில் இருக்கும் கம்மின்ஸ் அதிகமான நோ-பால்கள் வீசியுள்ளார். நடுவர்கள் நோ-பால்கள் வீசுவதை கவனிக்காமல் விடுவது ஐசிசிக்கு நெருக்கடியை தரும் என்று சேனல் 7 தெரிவித்துள்ளது.

நோ-பாலில் வீரர்கள் அவுட்டாகமல் இருக்க வரும் ஐபிஎல் தொடரில் புதிய முறை நடைமுறைப்படுத்த உள்ளது. நோ-பால்களை மட்டும் கவனிக்க தனி நடுவர் இதற்கென நியமனம் செய்யப்பட்டுள்ளார் என்பது குறிப்பிடதக்கது.