Home /News /sports /

2023 ஐசிசி உலக டெஸ்ட் சாம்பியன்ஷிப் இறுதிப் போட்டி லார்ட்ஸில் இல்லை!

2023 ஐசிசி உலக டெஸ்ட் சாம்பியன்ஷிப் இறுதிப் போட்டி லார்ட்ஸில் இல்லை!

உலக சாம்பியன்ஷிப் மைதானம்..

உலக சாம்பியன்ஷிப் மைதானம்..

ஐசிசி உலக டெஸ்ட் சாம்பியன்ஷிப் போட்டிகள் நடைபெற்று வருகின்றன, இதில் 2023 ஆண்டு இறுதிப் போட்டி மற்றும் 2025ம் ஆண்டுக்கான இறுதிப்போட்டி நடைபெறும் இங்கிலாந்து மைதானங்களை ஐசிசி அறிவித்துள்ளது.

  • News18 Tamil
  • 1 minute read
  • Last Updated :
  • Tamil Nadu, India
    ஐசிசி உலக டெஸ்ட் சாம்பியன்ஷிப் போட்டிகள் நடைபெற்று வருகின்றன. இதில் 2023ஆம் ஆண்டு இறுதிப் போட்டி மற்றும் 2025ம் ஆண்டுக்கான இறுதிப்போட்டி நடைபெறும் இங்கிலாந்து மைதானங்களை ஐசிசி அறிவித்துள்ளது.

    இரண்டாவது உலக டெஸ்ட் சாம்பியன்ஷிப் தொடரின் இறுதிபோட்டிக்கு நுழைய அனைத்து அணிகளும் தீவிரமாக விளையாடி வருகின்றனர். தற்போதைய நிலையில் ஆஸ்திரேலியா முதல் இடத்திலும், தென் ஆப்பிரிக்கா 2வது இடத்திலும், இலங்கை 3வது இடத்திலும், இந்தியா 4வது இடத்திலும், பாகிஸ்தான் 5 வது இடத்திலும் உள்ளனர்.

    இரு நாடுகளுக்கு இடையில் நடத்தப்பட்டு வந்த டெஸ்ட் போட்டிகள் இப்போது ஐரோப்பிய நாடுகளில் நடைபெறும் கால்பந்து லீக் தொடரை போன்று நடத்த ஐசிசி முடிவெடுத்தது. இதற்கான பணிகள் அனைத்தையும் செய்து அதிகாரப்பூர்வமாக உலக டெஸ்ட் சாம்பியன்ஷிப் தொடரை அறிமுகப்படுத்தியுள்ளது.

    Also Read : சச்சின் சத எண்ணிக்கையை விராட் கோலி எட்டுவார் : ரிக்கி பாண்டிங்

    இதன்படி டெஸ்ட் போட்டிகளில் விளையாடும் ஒவ்வொரு அணியும் மற்ற அணிகளுடன் உள்ளூர் வெளியூர் அடிப்படையில் டெஸ்ட் போட்டிகளில் விளையாட வேண்டும். இறுதியில் புள்ளிப்பட்டியலில் முதல் இரண்டு இடங்களை பிடிக்கும் அணிகள் சாம்பியனுக்கான இறுதிப் போட்டியில் பலப்பரீட்சை நடத்தும்.

    இதில் முதலாவது உலக டெஸ்ட் சாம்பியன்ஷிப் தொடரின் இறுதிப்போட்டியில் இந்தியா - நியூசிலாந்து அணிகள் இங்கிலாந்தில் உள்ள சவுத்தம்டனில் விளையாடின. இந்த ஆட்டத்தில் இந்திய அணியை வீழ்த்தி நியூசிலாந்து அணி முதல் உலக டெஸ்ட் சாம்பியன்ஷிப் கோப்பையை வென்றது.

    இந்நிலையில் 2023 மற்றும் 2025 உலக டெஸ்ட் சாம்பியன்ஷிப் தொடர்களுக்கான இறுதிப்போட்டி நடைபெறும் மைதானங்களை ஐசிசி அறிவித்துள்ளது. அதன்படி 2023 க்கான உலக டெஸ்ட் சாம்பியன்ஷிப் இறுதிபோட்டி ஜூன் மாதம் ஓவல் மைதானத்திலும், 2025க்கான இறுதிப்போட்டி லார்ட்ஸ் மைதானத்திலும் நடைபெறும் என அறிவிக்கப்பட்டுள்ளது.
    Published by:Raj Kumar
    First published:

    Tags: ICC, ICC World Test Championship, Indian cricket team, Virat Kohli

    அடுத்த செய்தி