நாங்களும் விளையாடுவோம்... பெண்கள் டி 20 தொடரில் 90 ரன்கள் விளாசிய மந்தனா

மகளிருக்கான டி-20 சேலஞ்ச் கிரிக்கெட் தொடரில், டிரெய்ல்பிளாசர்ஸ் (Trailblazers) அணி 2 ரன்கள் வித்தியாசத்தில் த்ரில் வெற்றி பெற்றது.

மகளிர் ஐபிஎல் போட்டிக்கு முன்னோட்டமாக முதல் முறையாக இத்தொடர் தொடங்கப்பட்டுள்ளது. டிரெய்ல்பிளாசர்ஸ் (Trailblazers), சூப்பர் நோவாஸ் (SuperNovas), வெலாசிட்டி (velocity) என 3 அணிகள் பங்கேற்றுள்ள இத்தொடரின் முதல் போட்டி ஜெய்ப்பூரில் நேற்று நடைபெற்றது.

இந்தப்போட்டியில் டிரெய்ல்பிளாசர்ஸ் அணி, சூப்பர்நோவாஸ் அணியுடன் மோதியது. முதலில் ஆடிய டிரெய்ல்பிளாசர்ஸ் அணி 20 ஓவர் முடிவில் 5 விக்கெட் இழப்பிற்கு 140 ரன்கள் சேர்ந்தது. அந்த அணியின் கேப்டன் மந்தனா 67 பந்துகளில் 10 பவுண்டரி, 3 சிக்ஸர் என மொத்தம் 90 ரன்கள் விளாசினார்.

Innings Break!

Smriti Mandhana's 90 guides the Trailblazers to a total of 140/4 after 20 overs. pic.twitter.com/XJEZv4AYoc

— IndianPremierLeague (@IPL) May 6, 2019

பின்னர், இலக்கை துரத்திய சூப்பர்நோவாஸ் அணி, சீராக ரன் சேர்த்தது. கடைசி ஓவரில் 19 ரன்கள் தேவை என்ற நிலையில், கோஸ்வாமி வீசிய அந்த ஓவரை, ஹர்மன்பிரீத் கவுர் எதிர்கொண்டார். இவர், 5 பந்துகளில் 4 பவுண்டரிகளை விளாசியதால் ஆட்டத்தில் விறுவிறுப்பு கூடியது. கடைசிப் பந்தில் 3 ரன்கள் தேவை என்ற நிலையில் தஹுஹு ரன் அவுட் ஆனதால், சூப்பர்நோவாஸ் அணி தோல்வியுற்றது.

ஆட்ட நாயகியாக ஸ்மிரிதி மந்தனா தேர்ந்தெடுக்கப்பட்டார்.

அடுத்த போட்டி 8-ம் தேதி டிரெய்ல்பிளாசர்ஸ், வெலாசிட்டி அணிகளுக்கு இடையே நடக்கிறது.

Also watch