Shane Warne: ஷேன் வார்னுடன் 3 நண்பர்கள் தங்கியிருந்ததாக தகவல்

வார்னும் மற்ற மூன்று நண்பர்களும் தாய்லாந்தில் ஒரு தனியார் வில்லாவில் தங்கியிருந்ததாகவும், அவர்களில் ஒருவர் ஷேன் வார்ன் இரவு உணவிற்கு வராததால் அவருக்கு என்ன ஆயிற்று என்று பார்க்கச் சென்றதாகவும் தாய்லாந்து காவல்துறை கூறியதாக ராய்ட்டர்ஸ் செய்தி நிறுவனம் தெரிவித்துள்ளது.

அறையில் ஷேன் வார்ன் பேச்சு மூச்சற்று கிடந்தவுடன் சந்தேகம் அடைந்த அந்த நண்பர் அவருக்கு சிபிஆர் செய்து பார்த்தார். ஒன்றும் பலனளிக்காமல் போகவே ஆம்புலன்ஸை அழைத்தார்," என்று காவல்துறை அதிகாரி சாட்சாவின் நக்முசிக் ராய்ட்டர்ஸிடம் தொலைபேசியில் தெரிவித்தார்.

"அதன்பிறகு ஒரு அவசரகால ஆம்புலன்ஸ் பிரிவு வந்து 10-20 நிமிடங்களுக்கு மற்றொரு CPR-ஐச் செய்தது. பிறகு தாய் சர்வதேச மருத்துவமனையிலிருந்து ஒரு ஆம்புலன்ஸ் வந்து அவரை அங்கு அழைத்துச் சென்றது. அவர்கள் ஐந்து நிமிடங்கள் CPR செய்தார்கள், பின்னர் அவர் இறந்ததாக அறிவிக்கப்பட்டது.

இதையும் படிங்க: மரண செய்தியை கடைசி ட்விட்டாக பதிவிட்ட ஷேன் வார்ன்... ஜாம்பாவனின் சோக வரிகள்

மரணத்திற்கான காரணம் அவர்களுக்குத் தெரியவில்லை, ஆனால் அதை சந்தேகத்திற்குரியதாகக் கருதவில்லை, சாட்சாவின் மேலும் கூறினார். ஆஸ்திரேலியாவின் வெளியுறவு மந்திரி மரிஸ் பெய்ன், தாய்லாந்தில் உள்ள வார்னின் நண்பர்களுடன் அதிகாரிகள் பேசியதாகவும், மேலும் உதவி வழங்குவதற்காக சனிக்கிழமையன்று கோ சாமுய்க்கு செல்வதாகவும் கூறினார்.

Shocked beyond words. A legend of our game, an icon, and someone who revolutionised spin bowling. RIP Shane Warne. pic.twitter.com/4rjArGHpSp

— Jasprit Bumrah (@Jaspritbumrah93) March 4, 2022

"(நாங்கள்) அவர் காலமானதைத் தொடர்ந்து ஏற்பாடுகளை உறுதிப்படுத்த தாய்லாந்து அதிகாரிகளுடன் இணைந்து பணியாற்றி வருகிறோம், அவர் திருப்பி அனுப்பப்படுவதற்கு உதவுகிறோம், என்றார்.

சனிக்கிழமையன்று உள்ளூர் ஊடகங்களில் வார்னின் மரணம் ஆதிக்கம் செலுத்தியது, ஆஸ்திரேலியாவின் கிழக்கு கடற்கரையில் பேரழிவு தரும் வெள்ளம் மற்றும் உக்ரைனில் நடந்த போர் பற்றிய செய்திகளை வார்ன் பற்றிய செய்தி புல்லட்டின்கள் மற்றும் வலைத்தளங்களில் இருந்து ஒதுக்கி வைக்குமாறு செய்துள்ளது.