யாருக்கு உலககோப்பை..? ஆஸ்திரேலியா - தென் ஆப்பிரிக்கா அணிகள் இன்று பலப்பரிட்சை..!

மகளிருக்கான டி20 போட்டி கடந்த பிப்ரவரி 11 ஆம் தேதி தொடங்கியது. தென் ஆப்ரிக்காவில் நடைபெற்று வரும் இந்த தொடரின் அட்டவணையில் ஆஸ்திரேலியா, பங்களாதேஷ், நியூசிலாந்து, தென்னாப்பிரிக்கா, இலங்கை ஆகிய அணிகள் குரூப் ஏ பிரிவிலும், இங்கிலாந்து, இந்தியா, அயர்லாந்து, பாகிஸ்தான், மேற்கிந்திய தீவுகள் ஆகிய அணிகள் குரூப் பி பிரிவிலும் இடம்பெற்றிருந்தன.

லீக் சுற்றில் பெற்ற வெற்றிகள் மூலம் இந்தியா, ஆஸ்திரேலியா, இங்கிலாந்து மற்றும் தென்னாப்பிரிக்கா அணிகள் அரையிறுதி சுற்றுக்கு முன்னேறின. இந்தியாவை வீழ்த்தி ஆஸ்திரேலியாவும், இங்கிலாந்தை வீழ்த்தி தென் ஆப்ரிக்காவும் இறுதிப் போட்டிக்கு முன்னேறியுள்ளன.

இதுவரை நடைபெற்ற 7 உலகக் கோப்பை தொடர்களில் 5 தொடர்களை வென்றுள்ள ஆஸ்திரேலியா இந்த தொடரையும் கைப்பற்ற தீவிரம் காட்டி வருகிறது. அதேநேரத்தில் தென் ஆப்ரிக்கா அணி முதன் முறையாக இறுதிப் போட்டிக்கு முன்னேறியுள்ளது.

ஆண்கள் அணி சாதிக்காத நிலையில், உள்ளூரில் கோப்பையை வெல்ல வேண்டும் என தென் ஆப்ரிக்கா ரசிகர்கள் ஆவலுடன் காத்திருக்கின்றனர். இந்த போட்டி, இந்திய நேரப்படி மாலை 6.30 மணிக்கு நியூலாண்ட்ஸ் கிரிக்கெட் மைதானத்தில் தொடங்குகிறது.