ரோஹித் சர்மா-தவான் சாதனை உடைப்பு, விராட் கோலி கேப்டன்சி சாதனை சமன்: பாபர் அசாம் அட்டகாசம்

கராச்சி நேஷனல் ஸ்டேடியத்தில் நடந்த 7 போட்டிகள் கொண்ட தொடரின் 2வது சர்வதேச இருபதுக்கு 20 போட்டியில் பாகிஸ்தான் அணி 10 விக்கெட் வித்தியாசத்தில் இங்கிலாந்து அணியை பந்தாடியது.

பாகிஸ்தான் கேப்டன் பாபர் அசாம் மற்றும் விக்கெட் கீப்பர்-பேட்டர் முகமது ரிஸ்வான் ஆகியோர் ஆட்டமிழக்காமல் இருந்தனர். இதன் மூலம் சிலபல சாதனைகளை முறியடித்தனர். இருவரும் ஆட்டமிழக்காமல் 203 ரன் பார்ட்னர்ஷிப்பை அமைத்தனர், இது குறுகிய வடிவத்தில் ரன் சேஸிங்கில் இதுவரை இல்லாத அதிகபட்ச சாதனையாகும், இது 2021 இல் தென்னாப்பிரிக்காவிற்கு எதிராக 197 ரன்களின் முந்தைய சாதனையைக் கடந்தது.

டி20 போட்டிகளில் எந்த விக்கெட்டுக்கும் அதிக ரன்களை எடுத்ததில், இந்திய கேப்டன் ரோஹித் ஷர்மா மற்றும் தொடக்க வீரர் ஷிகர் தவானை பின்னுக்கு தள்ளிவிட்டனர்.

இந்திய ஜோடி 52 இன்னிங்ஸ்களில் 1743 ரன்களை எடுத்திருக்கும் போது, ​​பாபர் மற்றும் ரிஸ்வான் 36 இன்னிங்ஸில் 1929 ரன்களை மட்டுமே எடுத்துள்ளனர். அதே போல் விராட் கோலி கேப்டன்சி ரெக்கார்டைக் காலி செய்துள்ளார் பாபர் அசாம். டி20 கேப்டனாக விராட் கோலியின் 30 வெற்றிகளின் எண்ணிக்கையை பாபர் அசாம் சமன் செய்தார்.

கடந்த ஆண்டு டி20 உலகக் கோப்பைக்குப் பிறகு பதவியை விட்டு விலகிய கோஹ்லி, 50 போட்டிகளில் 30 வெற்றிகளுடன் முடித்தார். எம்.எஸ் தோனி 72 போட்டிகளில் 41 வெற்றிகளுடன் இந்தியாவின் வெற்றிகரமான டி20 கேப்டனாக நீடிக்கிறார், ரோஹித் சர்மா 40 போட்டிகளில் 31 வெற்றிகளுடன் 2வது இடத்தில் உள்ளார்.

இதையும் வாசிக்க: இங்கிலாந்து அணியை துவம்சம் செய்த பாகிஸ்தான் ஓப்பனிங் பேட்ஸ்மென்கள்; 10 விக்கெட் வித்தியாசத்தில் அபார வெற்றி!

கேப்டனாக அதிக வெற்றிகள்:

• பாபர் அசாம் - 49 போட்டிகளில் 30 வெற்றி
• சர்பராஸ் அகமது - 37 போட்டிகளில் 29 வெற்றி
• ஷாஹித் அப்ரிடி - 43 போட்டிகளில் 19 வெற்றி
• முகமது ஹபீஸ் - 29 போட்டிகளில் 18 வெற்றி
• சோயிப் மாலிக் - 20 போட்டிகளில் 13 வெற்றி

ஒரு டி20 சதத்திற்கு மேல் அடித்த முதல் பாகிஸ்தான் வீரர் என்ற புதிய சாதனையையும் பாபர் படைத்தார். அசாம் 2021 இல் செஞ்சூரியனில் தென்னாப்பிரிக்காவுக்கு எதிராக 122 ரன்கள் எடுத்தார், அதைத் தொடர்ந்து வியாழன் அன்று இங்கிலாந்துக்கு எதிராக 110 ரன்களை நாட் அவுட்டாக விளாசினார்.