ஆஸி.யின் கடைசி விக்கெட்... இந்தியாவின் கொண்டாட்டம்... வீடியோ!

மெல்போர்ன் டெஸ்டில் ஆஸ்திரேலிய அணியின் கடைசி விக்கெட் போன வீடியோ சமூக வலைதளங்களில் வைரலாகப் பரவி வருகிறது.

இந்தியா - ஆஸ்திரேலியா அணிகள் மோதும் 3-வது டெஸ்ட் கிரிக்கெட் போட்டி மெல்போர்னில் நடைபெற்றது. முதலில் பேட்டிங் செய்த இந்திய அணி, முதல் இன்னிங்சில் 443 ரன்கள் குவித்து டிக்ளேர் செய்தது. ஆஸ்திரேலிய அணி முதல் இன்னிங்சில் 151 ரன்களில் சுருண்டது. பும்ரா 6 விக்கெட்டுகளை வீழ்த்தி அசத்தினார்.

மெல்போர்ன் டெஸ்டின் முதல் இன்னிங்சில் பும்ரா 6 விக்கெட்டுகளை வீழ்த்தி அசத்தினார். (Twitter)

ஆஸி.க்கு ‘பலோ ஆன்’ கொடுக்காமல் 296 ரன்கள் முன்னிலையுடன் 2-ம் இன்னிங்சை தொடங்கிய இந்திய அணி, 106 ரன்கள் எடுத்து டிக்ளேர் செய்தது. இதன்மூலம், 399 ரன்கள் எடுத்தால் வெற்றி என்ற கடின இலக்குடன் ஆஸ்திரேலிய அணி, சீரான இடைவெளியில் விக்கெட்டுகளை இழந்தது. 4-ம் நாள் முடிவில் அந்த அணி 8 விக்கெட்டுகள் இழப்பிற்கு 258 ரன்கள் எடுத்தது.

மெல்போர்னில் வெற்றிக் கொண்டாட்டத்தில் இந்திய அணி வீரர்கள். (BCCI)

பேட் கம்மின்ஸ் 61 ரன்களுடனும், நாதன் லியோன் 6 ரன்களுடனும் களத்தில் இருந்தனர். 5-ம் நாள் ஆட்டம் தொடங்கியதும், கம்மின்ஸ் 63 ரன்களில் ஆட்டமிழந்தார். இவரைத் தொடர்ந்து, இஷாந்த் சர்மா வேகத்தில் ஆஸ்திரேலிய அணி கடைசி விக்கெட்டான நாதன் லியோன் 7 ரன்னில் அவுட்டானார். 2-வது இன்னிங்சில் அந்த அணி 261 ரன்களுக்கு ஆட்டமிழந்ததால், இந்திய அணி 137 ரன்கள் வித்தியாசத்தில் அபார வெற்றி பெற்றது.

ALL OVER! 😓
India have retained the Border-Gavaskar trophy with a 137 run win at the MCG, it's the first win at the ground since 1981 👏👏 #AUSvIND
DETAILS: https://t.co/kHtd3a6vkq pic.twitter.com/8QwQgSzw57

— Telegraph Sport (@telegraph_sport) December 30, 2018

ஆஸ்திரேலிய அணியின் கடைசி விக்கெட் போன வீடியோ சமூக வலைதளங்களில் வைரலாகப் பரவி வருகிறது. 4 போட்டிகள் கொண்ட டெஸ்ட் தொடரில் 2-1 என்ற கணக்கில் இந்திய அணி முன்னிலை வகிக்கிறது.

Thank you to all the fans for the Love and support! A special win at The MCG. Next stop - SCG 🇮🇳 #TeamIndia #AUSvIND pic.twitter.com/HR4FnnGEbA

— BCCI (@BCCI) December 30, 2018

37 ஆண்டுகளுக்குப் பின், மெல்போர்ன் மைதானத்தில் விராட் கோலி தலைமையில் இந்திய அணி வெற்றிக்கொடியை நாட்டியுள்ளது. சர்வதேச டெஸ்ட் போட்டியில் இந்தியா பெறும் 150-வது வெற்றி இதுவாகும்.

#AUSvIND இந்தியா அபார வெற்றி - தொடரில் முன்னிலை

Also Watch...