5 மாதங்களுக்குப் பிறகு.. மீண்டும் இந்திய ஜெர்சியில் ஜடேஜா.. காயத்தில் இருந்து மீண்டு வந்துவிட்டதாக உருக்கம்..!

இந்திய கிரிக்கெட் அணியின் ஆல்ரவுண்டர் ரவீந்திர ஜடேஜா கடைசியாக கடந்த ஆண்டு செப்டம்பர் மாதம் நடைபெற்ற ஆசிய கோப்பை கிரிக்கெட் போட்டிகளில் விளையாடினார். முழங்காலில் ஏற்பட்ட காயம் காரணமாக ஆஸ்திரேலியாவில் நடைபெற்ற உலகக்கோப்பை டி20 போட்டிகளில் கலந்துகொள்ளவில்லை. முழங்கால் காயத்திற்கு அறுவை சிகிச்சை செய்யப்பட்ட நிலையில், சில மாதங்கள் ஓய்வில் இருந்தார்.

காயத்தில் இருந்து முழுமையாக குணமடைந்த ஜடேஜா, கிட்டத்தட்ட ஐந்து மாதங்களுக்குப் பிறகு வரும் 9ஆம் தேதி தொடங்கும் ஆஸ்திரேலியாவுக்கு எதிராக நடைபெறவுள்ள பார்டர் கவாஸ்கர் டெஸ்ட் கிரிக்கெட் தொடரில் பங்கேற்கிறார். ஜடேஜா இணைந்துள்ளது இந்திய அணிக்கு கூடுதல் பலமாக மாறியுள்ளது.

இதுகுறித்து ஜடேஜா பிசிசிஐ டிவிக்கு அளித்துள்ள பேட்டியில், “என்னுடைய முழங்காலில் காயம் ஏற்பட்டதால் அதற்கு அறுவை சிகிச்சை கட்டாயம் தேவைப்பட்டது. டி20 உலகக் கோப்பைக்குப் பிறகு அறுவை சிகிச்சை மேற்கொள்ளலாம் என யோசித்தேன். ஆனால், உலகக் கோப்பையில் விளையாடுவதற்கான வாய்ப்பு குறைவு என்பதால் உலகக் கோப்பைக்கு முன்பாகவே அறுவை சிகிச்சை செய்யலாம் என மருத்துவர்கள் அறிவுறுத்தினர். ஆகவே, நான் அறுவை சிகிச்சை மேற்கொண்டேன். அறுவைச் சிகிச்சைக்குப் பிறகு நான் கடினமாக உணர்ந்தேன்” என்று விவரித்தார்.

Excitement of comeback 👌
Story behind recovery 👍
Happiness to wear #TeamIndia jersey once again 😊

All-rounder @imjadeja shares it all as India gear up for the 1⃣st #INDvAUS Test 👏 👏 - By @RajalArora

FULL INTERVIEW 🎥 🔽https://t.co/wLDodmTGQK pic.twitter.com/F2XtdSMpTv

— BCCI (@BCCI) February 5, 2023

கிரிக்கெட் பயணத்தில் பல ஏற்ற இறக்கங்களை சந்தித்துள்ளேன். நீங்கள் 5 மாதங்கள் விளையாடவில்லை என்ற எப்போது உங்கள் மனநிலை எப்போது மீண்டும் கிரிக்கெட் விளையாடப்போகிறோம் என்று எதிர்பார்த்துக்கொண்டிருக்கும் என்று குறிப்பிட்ட ஜடேஜா,  மீண்டும் இந்திய ஜெர்சியினை அணிந்து விளையாட வேண்டும் என்கிற உந்துதல் என்னை தொடர்ந்து முன்னேற செய்தது. தொடர்ந்து கடுமையாக உடற்பயிற்சிகளை மேற்கொண்டு உடல் தகுதியை எட்டினேன். தற்போது 5 மாதங்களுக்குப் பிறகு இந்திய அணியின் ஜெர்சியை அணியவுள்ளேன். மீண்டும் இந்தியாவுக்காக விளையாட ஆர்வமுடன் காத்திருக்கிறேன் மீண்டும் ஜெர்சியை அணிவதற்கு நான் கொடுத்து வைத்திருக்க வேண்டும் என்று உருக்கமாகக் கூறியுள்ளார்.