HOME»NEWS»SPORTS»cricket ipl 2021 auctions all you need to know the timings player lists franchise budgets and more vin ghta

ஐபிஎல் 2021 ஏலம்: அணிகளின் ஸ்லாட் மற்றும் விடுவிக்கப்பட்ட வீரர்கள் குறித்த விவரங்கள்!

இந்த ஏலத்திற்காக மொத்தம் 1,114 கிரிக்கெட் வீரர்கள் பதிவு செய்திருந்தனர். இருப்பினும், உரிமையாளர்கள் தங்கள் வீரர்களின் பட்டியலை சமர்ப்பித்த பின்னர் அந்த ஏல பட்டியலில் வீரர்கள் எண்ணிக்கை 292 ஆக குறைக்கப்பட்டது.

ஐபிஎல் 2021 ஏலம்: அணிகளின் ஸ்லாட் மற்றும் விடுவிக்கப்பட்ட வீரர்கள் குறித்த விவரங்கள்!
இந்த ஏலத்திற்காக மொத்தம் 1,114 கிரிக்கெட் வீரர்கள் பதிவு செய்திருந்தனர். இருப்பினும், உரிமையாளர்கள் தங்கள் வீரர்களின் பட்டியலை சமர்ப்பித்த பின்னர் அந்த ஏல பட்டியலில் வீரர்கள் எண்ணிக்கை 292 ஆக குறைக்கப்பட்டது.
  • News18
  • Last Updated :
  • Share this:

2021ம் ஆண்டின் ஐபிஎல் சீசனுக்கான ஏலம் இன்று (பிப்.18) சென்னையில் சரியாக மதியம் 3:00 PM IST மணிக்கு தொடங்க உள்ளது. மேலும், இன்று நடைபெற உள்ள ஏலம் ஸ்டார் ஸ்போர்ட்ஸ் 1 மற்றும் ஸ்டார் ஸ்போர்ட்ஸ் 1 எச்டி, ஸ்டார் ஸ்போர்ட்ஸ் 3 மற்றும் ஸ்டார் ஸ்போர்ட்ஸ் 3 எச்டி உள்ளிட்ட சேனல்களில் நேரடியாக ஒளிபரப்பப்படுகிறது. இதுதவிர, ஏலத்தை மக்கள் ஹாட்ஸ்டார் ஓடிடி தளத்திலும் பார்க்கலாம். இன்று நடைபெற உள்ள ஏலத்தில் எத்தனை வீரர்கள் பட்டியலிட்டுள்ளனர். அணியின் பட்ஜெட் எவ்வளவு போன்ற முழு விவரங்களையும் தெரிந்து கொள்வோம்.

ஐபிஎல் 2021 ஏலம் மெகா ஏலமா?

2021 சீசனுக்கான ஏலம் ஒரு மெகா ஏலம் அல்ல. இருப்பினும், இதில் சில நட்சத்திர வீரர்கள் தேர்வு செய்யப்பட உள்ளனர்.



ஏலத்திற்கு பட்டியலிடப்பட்டுள்ள வீரர்களின் எண்ணிக்கை:

இந்த ஏலத்திற்காக மொத்தம் 1,114 கிரிக்கெட் வீரர்கள் பதிவு செய்திருந்தனர். இருப்பினும், உரிமையாளர்கள் தங்கள் வீரர்களின் பட்டியலை சமர்ப்பித்த பின்னர் அந்த ஏல பட்டியலில் வீரர்கள் எண்ணிக்கை 292 ஆக குறைக்கப்பட்டது. அந்த வகையில் ஏலத்தில் மொத்தம் 164 இந்திய வீரர்கள், 125 வெளிநாட்டு வீரர்கள் மற்றும் அசோசியேட் நாடுகளைச் சேர்ந்த மூன்று வீரர்கள் உள்ளனர்.

அதிகபட்ச அடிப்படை விலை கொண்ட வீரர்கள்:

கேதார் ஜாதவ் மற்றும் ஹர்பஜன் சிங் ஆகிய இருவரும் ரூ. 2 கோடி என்ற நிலையில் அதிகபட்ச அடிப்படை விலை கொண்ட வீரர்களாக ஏலத்தில் உள்ளனர். அவர்களைத் தவிர, க்ளென் மேக்ஸ்வெல், ஸ்டீவ் ஸ்மித், ஷாகிப் அல் ஹசன், மொயீன் அலி, சாம் பில்லிங்ஸ், லியாம் பிளங்கெட், ஜேசன் ராய் மற்றும் மார்க் வூட் ஆகிய எட்டு வெளிநாட்டு வீரர்கள் மிக உயர்ந்த அடிப்படை விலையில் இடம் பெறத் தேர்வு செய்யப்பட்டுள்ளனர். இதையடுத்து, மொத்தம் 12 வீரர்கள் ஏல பட்டியலில் 1.5 கோடி ரூபாய் அடிப்படை விலையுடன் உள்ளனர். ஏல பட்டியலில் 1 கோடி ரூபாய் அடிப்படை விலையுடன் சுமார் 11 கிரிக்கெட் வீரர்கள் உள்ளனர். அதில், ஹனுமா விஹாரி மற்றும் உமேஷ் யாதவ் ஆகியோரும் இடம்பெற்றுள்ளனர்.

ஏலத்தில் இடம் பெற்றுள்ள முன்னணி வீரர்கள்:

ஸ்டீவ் ஸ்மித், க்ளென் மேக்ஸ்வெல், கிறிஸ் மோரிஸ், ஷாகிப் அல் ஹசன், ஆரோன் பிஞ்ச், அலெக்ஸ் ஹேல்ஸ், டேவிட் மாலன், ஹர்பஜன் சிங், ஜேசன் ராய், ஜெய் ரிச்சர்ட்சன், கைல் ஜேமீசன் ஆகியோர் ஆவர்.

ஏலத்தில் இருந்து விலகிய முக்கிய வீரர்கள்:

மிட்செல் ஸ்டார்க், டாம் பான்டன் மற்றும் ஜோ ரூட் ஆகியோர் போட்டிகளில் இருந்து விலகிய வீரர்களில் முக்கிய நபர்களாவர்.

ஏலத்தில் அதிகம் எதிர்பார்க்கப்படும் இந்திய வீரர்களின் பட்டியல்:

சிவம் துபே (ஆல்ரவுண்டர்), ஷாருக்கான் (பேட்ஸ்மேன் - தமிழ்நாடு), முகமது அசாருதீன் (பேட்ஸ்மேன் - கேரளா), லுக்மன் மேரிவாலா (வேகப்பந்து வீச்சாளர் - பரோடா), விஷ்ணு சோலங்கி (பேட்ஸ்மேன் - பரோடா), சித்தார்த் மணிமரன் (பந்து வீச்சாளர் - தமிழ்நாடு) ஆகியோர் ஏலத்தில் அதிக கவனத்தை ஈர்க்கும் நபர்களாக உள்ளனர். இவர்களை தவிரஹர்பஜன் சிங், உமேஷ் யாதவ் மற்றும் கேதார் ஜாதவ் ஆகிய முன்னணி வீரர்களும்  நிச்சயமாக ஏலத்தில் கவனத்தை ஈர்க்கும் முக்கிய வீரர்களாக இருப்பார்கள்.

ஒவ்வொரு அணிக்கும் உள்ள பட்ஜெட் மற்றும் பிளேயர் ஸ்லாட் பற்றிய முழு விவரம்:

சென்னை சூப்பர் கிங்ஸ் (CSK)

மொத்த வீரர்களின் எண்ணிக்கை: 19

வெளிநாட்டு வீரர்களின் எண்ணிக்கை: 07

ஏலத்தில் எடுக்கவேண்டிய வீரர்களின் எண்ணிக்கை: 06

வெளிநாட்டு ஸ்லாட்: 01

கைவசம் உள்ள பட்ஜெட்: 19.90 கோடி

அணியில் இருந்து விடுவிக்கப்பட்ட வீரர்கள்: கேதார் ஜாதவ், ஹர்பஜன் சிங், ஷேன் வாட்சன், மோனு சிங், பியூஷ் சாவ்லா, முரளி விஜய் ஆகியோர்.

டெல்லி கேபிட்டல்ஸ் (DC)

வீரர்களின் எண்ணிக்கை: 17

வெளிநாட்டு வீரர்களின் எண்ணிக்கை: 05

ஸ்லாட் எண்ணிக்கை: 08

வெளிநாட்டு ஸ்லாட்: 03

பட்ஜெட்: 13.04 கோடி

விடுவிக்கப்பட்ட வீரர்கள்: மோஹித் சர்மா, துஷார் தேஷ்பாண்டே, கீமோ பால், சந்தீப் லாமிச்சேன், அலெக்ஸ் கேரி, ஜேசன் ராய் ஆகியோர்.

பஞ்சாப் கிங்ஸ்

வீரர்களின் எண்ணிக்கை: 16

வெளிநாட்டு வீரர்களின் எண்ணிக்கை: 03

ஸ்லாட் எண்ணிக்கை: 09

வெளிநாட்டு ஸ்லாட்: 05

பட்ஜெட்: 53.20 கோடி

விடுவிக்கப்பட்ட வீரர்கள்: க்ளென் மேக்ஸ்வெல், ஷெல்டன் கோட்ரெல், கே கவுதம், மியூப் உர் ரஹ்மான், ஜிம்மி நீஷம், ஹார்டஸ் வில்ஜோன், கருண் நாயர் ஆகியோர்.

கொல்கத்தா நைட் ரைடர்ஸ் (KKR)

வீரர்களின் எண்ணிக்கை: 17

வெளிநாட்டு வீரர்களின் எண்ணிக்கை: 06

ஸ்லாட் எண்ணிக்கை: 08

வெளிநாட்டு ஸ்லாட்: 02

பட்ஜெட்: 10.75 கோடி

விடுவிக்கப்பட்ட வீரர்கள்: எம் சித்தார்த், நிகில் நாயக், சித்தேஷ் லாட், கிறிஸ் கிரீன், டாம் பான்டன்

மும்பை இந்தியன்ஸ் (MI)

வீரர்களின் எண்ணிக்கை: 18

வெளிநாட்டு வீரர்களின் எண்ணிக்கை: 04

ஸ்லாட் எண்ணிக்கை: 07

வெளிநாட்டு ஸ்லாட்: 04

பட்ஜெட்: 15.35 கோடி

விடுவிக்கப்பட்ட வீரர்கள்: லசித் மலிங்கா, மிட்ச் மெக்லெனகன், ஜேம்ஸ் பாட்டின்சன், நாதன் கூல்டர்-நைல், ஷெர்பேன் ரதர்ஃபோர்ட், இளவரசர் பல்வந்த் ராய், டிஜிவிஜய் தேஷ்முக்

ராஜஸ்தான் ராயல்ஸ் (RR)

வீரர்களின் எண்ணிக்கை: 16

வெளிநாட்டு வீரர்களின் எண்ணிக்கை: 05

ஸ்லாட் எண்ணிக்கை: 09

வெளிநாட்டு ஸ்லாட்: 03

பட்ஜெட்: 15.35 கோடி

விடுவிக்கப்பட்ட வீரர்கள்: ஸ்டீவ் ஸ்மித், அங்கித் ராஜ்பூட், ஓஷேன் தாமஸ், ஆகாஷ் சிங், வருண் ஆரோன், டாம் குர்ரான், அனிருதா ஜோஷி, ஷாஷாங்க் சிங்.

Also read... சென்னை சேப்பாக்கம் டெஸ்ட் வெற்றி எதிரொலி: ஐசிசி தரவரிசை பட்டியலில் ரவிச்சந்திரன் அஸ்வின், ரோஹித் சர்மா, ரிஷப் பந்த் முன்னேற்றம்!

ராயல் சேலஞ்சர்ஸ் பெங்களூர் (RCB)

வீரர்களின் எண்ணிக்கை: 14

வெளிநாட்டு வீரர்களின் எண்ணிக்கை: 05

ஸ்லாட் எண்ணிக்கை: 14

வெளிநாட்டு ஸ்லாட்: 03

பட்ஜெட்: 35.40 கோடி

விடுவிக்கப்பட்ட வீரர்கள்: கிறிஸ் மோரிஸ், ஆரோன் பிஞ்ச், மொயீன் அலி, இசுரு உதனா, டேல் ஸ்டெய்ன், சிவம் டியூப், உமேஷ் யாதவ், பவன் நேகி, குர்கீரத் மான், பார்த்திவ் படேல்

சன்ரைசர்ஸ் ஹைதராபாத் (SRH)

வீரர்களின் எண்ணிக்கை: 22

வெளிநாட்டு வீரர்களின் எண்ணிக்கை: 07

ஸ்லாட் எண்ணிக்கை: 03

வெளிநாட்டு ஸ்லாட்: 01

பட்ஜெட்: 10.75 கோடி

விடுவிக்கப்பட்ட வீரர்கள்: சஞ்சய் யாதவ், பி சந்தீப், பில்லி ஸ்டான்லேக், ஃபேபியன் ஆலன், யர்ரா பிருத்விராஜ்.

 
Published by:Vinothini Aandisamy
First published: