புஜாரா, கோலி டக் அவுட்: இந்திய அணி தடுமாற்றம்!

மெல்போர்ன் டெஸ்டின் 2-வது இன்னிங்சில் இந்திய அணி டாப் ஆர்டர் பேட்ஸ்மேன்களை இழந்து தடுமாறி வருகிறது.

இந்தியா - ஆஸ்திரேலியா அணிகள் மோதும் மூன்றாவது ‘பாக்சிங் டே’ (26.12.18) டெஸ்ட் போட்டி மெல்போர்னில் நடைபெற்று வருகிறது. முதலில் பேட்டிங் செய்த இந்திய அணி முதல் இன்னிங்சில், 7 விக்கெட்டுக்கு 443 ரன்கள் எடுத்து டிக்ளேர் செய்தது. அதிகபட்சமாக, புஜாரா சதம் அடித்து அசத்தினார்.

மெல்போர்ன் டெஸ்டில் சதம் அடித்து அசத்திய புஜாரா. (BCCI)

பின்னர், 2-வது இன்னிங்சை தொடங்கிய ஆஸ்திரேலிய அணி, 3-வது நாள் ஆட்டம் தொடங்கியதும் இந்திய அணியின் துல்லியமான பந்துவீச்சை தாக்குப்பிடிக்க முடியாமல் அடுத்தடுத்து விக்கெட்டுகளை இழந்தது. ஆஸ்திரேலிய அணி 151 ரன்களுக்கு ஆல் அவுட்டானது. இந்தியா சார்பில் பும்ரா 6 விக்கெட்டுகளை வீழ்த்தி அசத்தினார்.

ஆஸ்திரேலியாவை ஆல் அவுட்டாக்கிய கொண்டாட்டத்தில் இந்திய வீரர்கள். (BCCI)

296 ரன்கள் முன்னிலை உடன் இந்திய அணி 2-ம் இன்னிங்சை தொடங்கியது. இந்திய அணிக்கு ஆரம்பமே அதிர்ச்சியாக அமைந்தது. தொடக்க வீரர் ஹனுமா விஹாரி 13 ரன்னில் ஆட்டமிழந்தார். அடுத்து வந்த புஜாராவும், கோலியும் ரன் ஏதும் எடுக்காமல் டக் அவுட்டாகி அதிர்ச்சி அளித்தனர்.

Pat Cummins this arvo: W . W . . . W W

Oh what a feeling! #AUSvIND | @toyota_aus pic.twitter.com/weKfyagT4B

— cricket.com.au (@cricketcomau) December 28, 2018

இதனை தொடர்ந்து, ரகானே ஒரு ரன்னிலும், ரோகித் சர்மா 5 ரன்னிலும் பெவிலியன் திரும்பினர். இந்திய அணி 44 ரன்களுக்குள் 5 விக்கெட்டுகளை இழந்து திணறி வருகிறது. முதல் 4 விக்கெட்டுகளை ஆஸ்திரேலியாவின் பேட் கம்மின்ஸ் வீழ்த்தினார்.

Also Watch...