• HOME
  • »
  • NEWS
  • »
  • sports
  • »
  • எனக்கும் ஷாகித் அப்ரீடிக்கும் உள்ள பிரச்சனை இதுதான் - ஷோயப் அக்தர் கலகல

எனக்கும் ஷாகித் அப்ரீடிக்கும் உள்ள பிரச்சனை இதுதான் - ஷோயப் அக்தர் கலகல

ஷோயப் அக்தர்

ஷோயப் அக்தர்

  • Share this:
    பாகிஸ்தான் முன்னாள் வேகப்பந்து வீச்சாளர், ராவல் பிண்டி எக்ஸ்பிரஸ் என்று அழைக்கப்படும் ஷோயப் அக்தர் தனக்கும் ஷாகித் அஃப்ரீடிக்கும் இடையிலான உறவு பற்றி ஜாலியாக மனம் திறந்து பேசியுள்ளார். தான் ஆடிய காலத்தில் மணிக்கு 161.3 கிமீ வேகத்தில் பந்து வீசியுள்ளார்.

    இவர் எத்தனைக்கு எத்தனை சீரியசானவரோ அத்தனைக்கு அத்தனை நகைச்சுவை உணர்வு ததும்பியவர். இந்நிலையில் 35 விநாடிகளே ஓடும் வீடியோ கிளிப் ஒன்றை வெளியிட்டுள்ள ஷோயப் அக்தர், ஷாகித் அப்ரீடியுடன் காணப்படுகிறார். அதில் தனக்கும் ஷாகித் அப்ரீடிக்கும் இடையேயான நட்பை ‘எனக்கு அப்ரீடியிடம் பிடிக்காத விஷயம்’ என்ற நகைச்சுவை தொனியில் குறிப்பிட்டுப் பேசியுள்ளார்.

    “எனக்கும் ஷாகித் அஃப்ரீடிக்கும் உள்ள பிரச்சனை இதுதான். அவர் என்னை விட பார்க்க அழகாக இருக்கிறார். இன்னொரு பிரச்சனை நான் அடிப்பதை விட பந்துகளை நீண்ட தொலைவு அடிக்கிறார். மிகவும் அடிப்படையாக அவரிடம் எனக்குப் பிடிக்காதது என்னை விட அவர் பிரபலமாக உள்ளதே.

    இதையெல்லாம் விட மிகப்பெரிய பிரச்சனை என்னவெனில் அவரது தலை முடி, என்னை விட அவருக்கு அதிகமிருக்கிறது. டார்லிங் ஆஃப் த கிரவுட் என்பார்களே அது போல் ஷாகித் அப்ரீடி ரசிக ரசிகைகளுக்கு அதிகம் பிடித்தவர்.” என்றார் ஷோயப் அக்தர். 2021 டி20 உலகக்கோப்பை இறுதிப் போட்டியில் அப்ரீடியைக் கண்டவுடன் அவரிடம் ஓடிப்போய் போட்டோ எடுத்துக் கொண்டு அதை ட்விட்டரில் பகிர்ந்தார்.

    பாகிஸ்தான் அணி இறுதிப் போட்டியில் ஆடி கோப்பயை வெல்லும் என்று அக்தர், அப்ரீடி இருவருமே நினைத்தனர். ஆனால் அரையிறுதியில் ஆஸ்திரேலியாவிடம் பாகிஸ்தான் பரிதாபத் தோல்வி அடைந்தது.





    எது எப்படியோ தங்கள் நாட்டில் ஆடாமல் ஓடிப்போன நியூசிலாந்து அணி இறுதியில் ஆஸ்திரேலியாவிடம் தோற்றதில் ஷோயப் அக்தருக்கும், ஷாகித் அப்ரீடிக்கும் மகிழ்ச்சியே.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Muthukumar
    First published: