Home /News /sports /

இங்கிலாந்தை இனி  கையில் பிடிக்க முடியுமா? கேரி கர்ஸ்டன், மெக்கல்லம் பயிற்சியாளர்களாகின்றனர்?

இங்கிலாந்தை இனி  கையில் பிடிக்க முடியுமா? கேரி கர்ஸ்டன், மெக்கல்லம் பயிற்சியாளர்களாகின்றனர்?

மெக்கல்லம்- கர்ஸ்டன்

மெக்கல்லம்- கர்ஸ்டன்

இங்கிலாந்து கிரிக்கெட் வாரியத்தின் இயக்குநராக ராப் கீ என்ற முன்னாள் வீரர் நியமிக்கப்பட்டதையடுத்து, இங்கிலாந்து கிரிக்கெட்டை இன்னும் மேம்படச் செய்வதில் அவர் காட்டும் அக்கறையின் பலனாக டெஸ்ட் போட்டிகளுக்கு கேரி கர்ஸ்டனையும் ஒருநாள், மற்றும் டி20களுக்கு நியூசிலாந்து அதிரடி வீரர் பிரெண்டன் மெக்கல்லம்மையும் பயிற்சியாளராக நியமிக்க பரிசீலித்து வருகிறார்.

இது தொடர்பாக இங்கிலாந்தின் லிமிடெட் ஓவர் கிரிக்கெட் கேப்டன் இயான் மோர்கனை, ராப் கீ கலந்தாலோசிக்க அவரோ ஐபிஎல் அனுபவத்தில் கொல்கத்தா நைட் ரைடர்ஸ் பயிற்சியாளராக இருக்கும் பிரெண்டன் மெக்கல்லமை அணுகுமாறு ஆலோசனை வழங்கியுள்ளார்.

ஐபிஎல் 2021 தொடரில் கொல்கத்தா அணி இறுதிப்போட்டிக்கு முன்னேற இயன் மோர்கன் மற்றும் கோச் மெக்கல்லமின் பங்கு அபரிமிதமானது. அதே வேளையில் குஜராத் டைட்டன்ஸ் அணிக்கு பயிற்சியாளர் பொறுப்பில் இருக்கும் கேரி கர்ஸ்டன் இங்கிலாந்து பணி குறித்தும் மனம் திறந்து பேசியுள்ளார்.

ராப் கீ இங்கிலாந்தின் கிரிக்கெட் இயக்குநராக நியமிக்கப்பட்டதைத் தொடர்ந்து  அவருக்கு சில புதிய திட்டங்கள் மற்றும் லட்சியங்கள் இருப்பதாகத் தெரிகிறது. முன்னதாக அவர் அலெக்ஸ் ஹேல்ஸை மீண்டும் அணிக்குள் கொண்டு வருவது பற்றி பேசினார். போதைப்பொருள் பயன்படுத்தியதற்காக மூன்று வார தடையை அனுபவித்ததாக அறிவித்ததை அடுத்து ஹேல்ஸ் இங்கிலாந்துக்கு ஆடும் வாய்ப்பை இதுவரை பெறவில்லை.

கேரி கர்ஸ்டன் பயிற்சியாளராக இங்கிலாந்துக்கு மாறிவிட்டால், டெஸ்ட்டில் இங்கிலாந்து மீண்டும் நம்பர் 1 இடத்துக்குச் செல்லும் என்பது உறுதி, அதே போல் ஒருநாள், டி20 கிரிக்கெட்டில் ஏற்கெனவே பலமாக இருக்கும் இங்கிலாந்து பல பரிசோதனை முயற்சிகள் மேற்கொண்டு இளம் வீரர்களுக்கு வாய்ப்பு வழங்கி மெக்கல்லமின் கீழ் பெரிய பிளேயர்களாக உருவாக்க முடியும்.
ஆகவே இங்கிலாந்து அணிக்கு இனி பொற்காலம்தான் என்கின்றனர் இங்கிலாந்து கிரிக்கெட் ரசிகர்கள் வட்டத்தினர்.
Published by:Muthukumar
First published:

Tags: Brendon McCullum, Cricket

அடுத்த செய்தி