BWF World Tour Finals: பி.வி. சிந்து அசத்தல் வெற்றி!

வேர்ல்டு டூர் பைனல்ஸ் பேட்மிண்டன் தொடரில் பி.வி.சிந்து தனது 2-வது போட்டியில் நம்பர் ஒன் வீராங்கனை தாய் ஸூ யிங்கை வீழ்த்தினார்.

சர்வதேச பேட்மிண்டன் தரவரிசையில் முதல் 8 இடங்களில் இருக்கும் நட்சத்திர வீராங்கனைகளுக்கான ‘வேர்ல்டு டூர் பைனல்ஸ்’ பேட்மிண்டன் தொடர் சீனாவில் நடைபெற்று வருகிறது. இதில், இந்தியா சார்பில் ரியோ ஒலிம்பிக்கில் வெள்ளிப் பதக்கம் வென்ற பி.வி.சிந்து பங்கேற்று விளையாடி வருகிறார்.

தரவரிசையில் 6-வது இடம் வகிக்கும் சிந்து, மகளிர் ஒற்றையரில் ‘ஏ’ பிரிவின் முதல் போட்டியில் நடப்பு சாம்பியனும், தரவரிசையில் 2-வது இடத்தில் இருப்பவருமான ஜப்பானின் அகானே யமாகுச்சியை எதிர்த்து விளையாடினார். சிறப்பாக விளையாடிய சிந்து, 24-22, 21-15 என நேர்செட்டில் வெற்றி பெற்றார்.

பி.வி.சிந்து (Getty)

இதனையடுத்து, இன்று நடந்த 2-வது போட்டியில் தரவரிசையில் முதல் இடத்தில் இருக்கும் சீன தைப்பேவின் தாய் ஸூ யிங் உடன் பலப்பரீட்சை நடத்தினார். முதல் செட்டை 14-21 என இழந்த சிந்து, இரண்டாவது செட்டை 21–16 என கைப்பற்றினார். வெற்றியைத் தீர்மானிக்கும் மூன்றாவது செட்டில் அபாரமாக விளையாடிய சிந்து 21–18 என போராடிக் கைப்பற்றினார். இறுதியில், 2-1 என்ற செட் கணக்கில் சிந்து வெற்றி பெற்றார்.

FA-BU-LO-US #badminton #HSBCBWFbadminton #HSBCBWFGuangzhouFinals #HSBCBWFWorldTourFinals pic.twitter.com/Z0rQbaQzRW

— BWF (@bwfmedia) December 13, 2018

சிந்து தனது 3-வது போட்டியில் பெய்வின் ஜாங்கை எதிர்கொள்கிறார். இந்தப் போட்டியில் வெற்றி பெற்றால் சிந்து ‘நாக்–அவுட்’ சுற்றுக்கு தகுதி பெறுவார்.

Also Watch...