திருப்பதியில் பிப்ரவரி மாத தரிசன டிக்கெட் இன்று வெளியீடு...

திருப்பதி செல்லும் பக்தர்களுக்காக பிப்ரவரி மாதத்திற்கான சிறப்பு தரிசன டிக்கெட்டுகள் 28ஆம்  தேதியான இன்று  வெளியிடப்படும் என அறிவிக்கப்பட்டுள்ளது. இந்த சிறப்பு தரிசனத்துக்கான டிக்கெட்டை இன்று காலை 9 மாணிக்கு வழங்குவதாக திருப்பதி தேவஸ்தானம் அறிக்கை வெளியிட்டுள்ளது.  அதனைத் தொடர்ந்து, சர்வ தரிசனம் டோக்கன்கள் நாளை சனிக்கிழமை காலை 9 மணிக்கு வெளியாகிறது. இந்த தகவலை திருமலை-திருப்பதி தேவஸ்தானம் தெரிவித்து உள்ளது.

இதுதொடர்பாக வெளியிட்டுள்ள அறிக்கையில், திருப்பதி ஏழுமலையான் கோயிலில் பிப்ரவரி மாதம் சுவாமி தரிசனம் செய்வதற்கான ரூ.300 சிறப்பு நுழைவு தரிசன டிக்கெட்டுகள் ஒரு நாளைக்கு 20,000 வீதம் என இன்று காலை 9 மணிக்கு ஆன்லைனில் வெளியிடப்பட உள்ளது.

மேலும் இலவச தரிசனத்துக்காக தினந்தோறும் 10,000 டிக்கெட்டுகள் 29ம் தேதி காலை 9 மணிக்கு ஆன்லைனில் வெளியிடப்பட உள்ளது. அதனால் பக்தர்கள் பிப்ரவரி மாதத்துக்கான டிக்கெட்டுகளை https://tirupatibalaji.ap.gov.in/  என்ற தேவஸ்தான இணையதளத்தில் முன்பதிவு செய்து கொள்ளலாம் என்று திருப்பதி திருமலை தேவஸ்தானம் தெரிவித்துள்ளது குறிப்பிடத்தக்கது.

மேலும் படிக்க... தெய்வீக வாக்கு: இந்த ராசியினருக்கு இன்றையநாள் சிறப்பாக அமையும்... (ஜனவரி 28,2022)