திருப்பதி ஏழுமலையான் கோவில் கட்டண சேவை டிக்கெட்டுகள் : நாளை ஆன்லைனில் முன்பதிவு செய்யலாம்..!

திருப்பதி ஏழுமலையான் கோவில் கட்டண சேவை டிக்கெட்டுகள் முன்பதிவிற்காக நாளை ஆன்லைனில் வெளியிடப்படுவதாக அறிவிக்கப்பட்டுள்ளது. 

திருப்பதி ஏழுமலையான் கோவிலில் இம்மாதம் 22 ஆம் தேதி முதல் 28ஆம் தேதி வரை நடைபெற இருக்கும் கல்யாண உற்சவம், கட்டண பிரம்மோற்சவம், சகஸ்ர தீப அலங்கார சேவை, ஊஞ்சல் சேவை ஆகிய கட்டண சேவைகளில் மெய் நிகர் (ஆன்லைன்) அடிப்படையில் கலந்து கொள்ள தேவையான டிக்கெட்டுகள் நாளை மறுநாள் ஒன்பதாம் தேதி காலை 10 மணிக்கு ஆன்லைனில் வெளியிடப்பட உள்ளது.

மெய்நிகர் அடிப்படையிலான கட்டண சேவைகளில் பங்குபெறும் மக்களுக்கு மற்றொரு நாளில் ஏழுமலையானே நேரடியாக தரிசிக்க வாய்ப்பு அளிக்கப்படும்.

அதேபோல் ஏழுமலையான் கோவிலில் இம்மாதம் 22ஆம் தேதி முதல் 28ஆம் தேதி வரை நடைபெறும் சுப்ரபாதம், தோமாலை, அர்ச்சனை, அபிஷேகம் ஆகிய கட்டண சேவைகளில் பங்கு பெற விரும்பும் பக்தர்கள் நாளை காலை 10 மணி முதல் 10 ஆம் தேதி காலை 10 மணி வரை தேவஸ்தான வெப்சைட் மூலம் தங்கள் பெயர்களை பதிவு செய்து கொள்ளலாம்.

பதிவு செய்த பக்தர்களின் பெயர்கள் குழுக்கள் முறையில் தேர்வு செய்யப்பட்டு டிக்கெட்டுகள் அவர்களுக்கு ஒதுக்கீடு செய்யப்படும். மேலும் ஏழுமலையான் கோவிலில் இம்மாதம் 22 ஆம் தேதி முதல் 28ஆம் நடைபெற இருக்கும் கட்டண சேவைகளில் நேரடியாக பங்கு பெற விரும்பும் பக்தர்கள் நாளை பகல் 12 மணிக்கு துவங்கி தேவையான டிக்கெட்டுகளை முன்பதிவு செய்து கொள்ளலாம் என்று தேவஸ்தான நிர்வாகம் அறிவித்துள்ளது.

Also see... திருப்பதி லட்டின் சுவாரஸ்யம் நிறைந்த வரலாறு!

டிக்கெட்டுகள் தேவையான பக்தர்கள் www.tirupatibalaji.gov.in என்ற தேவஸ்தான இணையதளம் மூலம் அவற்றை முன்பதிவு செய்யலாம்.