மதுரை கள்ளழகர் கோவில் சித்திரை பெருவிழா... தல்லாகுளம் பெருமாள் கோவிலில் கொட்டகை மூகூர்த்தம் நிகழ்வுடன் தொடங்கியது....

மதுரை அழகர்கோவில் கள்ளழகர் கோவில் சித்திரை பெருவிழா ஏப்ரல் 12-ஆம் தேதி தொடங்கி 20 ஆம் தேதி வரை கோலாகலமாக நடைபெறவுள்ளது. இதில் சிகர நிகழ்வாக மண்டூக முனிவருக்கு மோட்சம் அளிப்பதற்காக வருகை தரும் கள்ளழகர் வைகை ஆற்றில் எழுந்தருளல் நிகழ்வு ஏப்ரல்-16ஆம் தேதி அதிகாலை நடைபெறவுள்ளது.

இந்நிலையில் கள்ளழகர் கோவில் சித்திரை திருவிழாவினை முன்னிட்டு மதுரை தல்லாகுளம் பிரசன்ன வெங்கடாசலபதி கோவிலில் நேற்று கொட்டகை மூகூர்த்தமானது பல்வேறு பூஜைகளுடன் வெகுவிமர்சையாக நடைபெற்றது. 2 ஆண்டுகளுக்கு பின் பக்தர்கள் அனுமதியுடன் கொட்டகை முகூர்த்தம் வெகுவிமர்சையாக நடைபெற்றதால் ஏராளமான பக்தர்கள் கலந்துகொண்டு சாமி தரிசனம் செய்தனர்.

மேலும் படிக்க... நவராத்திரி: துர்கையை வழிபட்டால் இந்த 5 ராசியினருக்கு நன்மை நடக்கும்...

இதனிடையே வரும் 5ஆம் தேதி உலகபிரசிதிபெற்ற மதுரை மீனாட்சியம்மன் கோவில் சித்திரை பெருவிழா கொடியேற்றத்துடன் தொடங்கி 19ஆம் தேதி வரை நடைபெறவுள்ளது. இதில் முக்கிய நிகழ்வாக வரும் ஏப்-14ஆம் தேதி மீனாட்சி சுந்தரேஸ்வரர் திருக்கல்யாணமும், 15ஆம் தேதி தேரோட்டமும் நடைபெறவுள்ளது என்பது குறிப்பிடத்தக்கது.