• HOME
  • »
  • NEWS
  • »
  • spiritual
  • »
  • Aadi Perukku 2021 | ஆடிப்பெருக்கில் தாலிப்பெருக்குதல் சிறப்பு... ஏன் தெரியுமா?

Aadi Perukku 2021 | ஆடிப்பெருக்கில் தாலிப்பெருக்குதல் சிறப்பு... ஏன் தெரியுமா?

தாலி பெருக்கு

தாலி பெருக்கு

புதியதாக திருமணம் ஆன தம்பதிகள் நதிக்கரையில் அன்று இரவு நிலாச்சோறு சாப்பிடும் பழக்கமும் உண்டு. ஆடி பெருக்கில் பெண்கள், கோயில்களில் தாலி கயிறை மாற்றி புதிய தாலி கயிறு அணிவதுண்டு |

  • Share this:
    புதிதாக திருமணமாகும் மணப்பெண் அணிந்திருக்கும் மாங்கல்யத்தின் இரு புறமும் லட்சுமி காசு, மணி, பவளம் கோர்த்து, அவரது கழுத்தில் சுமங்கலிப் பெண்கள் அணிவிப்பது தாலி பெருக்குதல் வைபவம். முதன் முதலில் மஞ்சள் கயிற்றை மாற்றும் சடங்கு இது. புதிதாக மாற்றும் போது மங்களகரமான தாலியுடன், லட்சுமி காசு, மணி ஆகியவற்றை சேர்ப்பதன் மூலம் தீர்க்க சுமங்கலியாக வாழும் பாக்கியம் உண்டாகும் என்பது ஐதீகம். இதை ஒற்றைப்படை மாதத்தில்தான் மணமகன் வீட்டில் நடத்துவர்.

    பெரும்பாலும் திருமணமான மூன்றாவது மாதத்தில் இந்த வைபவம் நடக்கும். அதிலும் ஆடிப்பெருக்கன்று இதனை செய்வது சிறப்பு. ஆடிப்பெருக்கன்று நதிகளில் நீர் பெருக்கு ஏற்படும் என்பது நம்பிக்கை. அன்று நதிக்கரைகளில் வழிபாடு நடத்தப்படும். அந்த நாளில் நதிக்கரைகள், கடற்கரைகளில் குடும்பத்தினருடன் அமர்ந்து உணவு சாப்பிடும் வழக்கமும் இருந்துள்ளது. புதியதாக திருமணம் ஆன தம்பதிகள் நதிக்கரையில் அன்று இரவு நிலாச்சோறு சாப்பிடும் பழக்கமும் உண்டு. அன்றைய தினம் பெண்கள், கோயில்களில் தாலி கயிறை மாற்றி புதிய தாலி கயிறு அணிவதுண்டு. திருமணமாகாத பெண்கள், விரைவில் திருமணம் ஆக வேண்டும் என அம்மனை வேண்டி மஞ்சள் கயிற்றை கழுத்தில் கட்டிக் கொள்வர்.

    மேலும் படிக்க... ஆடி பெருக்கின் ஸ்பெஷல் சர்க்கரையை கண்ட்ரோல் செய்யும் நாவல்பழம்தான்...

    அவ்வாறு செய்வதன் மூலமாக அவர்களுக்கு அடுத்த ஆடி மாதத்திற்குள் திருமணம் நிச்சயமகும் என்பது நம்பிக்கை. அதுமட்டும் இன்றி திருமணம் ஆனவர்களும் இன்றுதான் தங்களது தாலி கொடியில் புது மஞ்சள் கயிற்றை மாற்றுவார்கள். அப்படி செய்தால் வாழ்க்கை சிறப்பாக இருக்கும் என்பது ஐதீகம்.

    மேலும் படிக்க... ஆளின்றி வெறிச்சோடி காணப்படும் திருச்சி காவிரி

    மேலும் கொரோனா 3-வது அலையின் அச்சம் காரணமாக யாரும் கோவிலுக்கோ அல்லது நதிகரைகளுக்கோ செல்லக்கூடாது என்று உத்தரவிடப்பட்டுள்ளது. அதனால் பெண்கள் தங்களது வீட்டிலேயே உள்ள பூஜையறையில் தாலி கயிற்றை மாற்றிக் கொள்ளலாம். மேலும் எல்லோரும் அவர்களது வீட்டிலேயே விதம் விதமாக சமைத்து பலகாரம் செய்து, வீட்டு வாசலில் கோலம் போட்டு அலங்கரித்து காவிரியை, வைகையை, தாமிரபரணியை மனதால் வணங்கி ஆடி பதினெட்டாம் பெருக்கை கொண்டாடலாம்.

    மேலும் படிக்க... இன்றைய பஞ்சாங்கம் (ஆகஸ்ட் 03, 2021)

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Vaijayanthi S
    First published: