கிரிக்கெட் மட்டையால் மனைவியை அடித்துக்கொன்ற கணவன்.. வரதட்சனை கொடுமை விசாரணையில் அம்பலம்

கீர்த்திராஜ் அவரது தந்தை பெரியசாமி மற்றும் தாயார் ரஞ்சனி

Salem Crime | மனைவியை கொலை செய்துவிட்டு தற்கொலை நாடகமாடியது போலீசாரின் விசாரணையில் அம்பலமானதை தொடர்ந்து கீர்திராஜ் மற்றும் அவரது குடும்பத்தினரை போலீசார் கைது செய்தனர்..

News18 Tamil
Last Updated : July 11, 2022, 13:52 IST

சேலத்தில் இளம்பெண் கிரிக்கெட் மட்டையால் அடித்து கொலை செய்யப்பட்ட சம்பவத்தில் கணவரின் பெற்றோரை காவல்துறையினர் வரதட்சணை கொடுமை வழக்கில் கைது செய்தனர்.

சேலம் ரெட்டிபட்டி பகுதியை சேர்ந்த தனுஸ்ரீயா- கீர்த்திராஜ் தம்பதிக்கும் கடந்த 3 ஆண்டுகளுக்கு முன்பு திருமணம் நடந்தது. இந்நிலையில் ஜூன் மாதம் 11-ம் தேதி தனுஸ்ரீ தற்கொலை செய்துக்கொண்டதாக கீர்த்திராஜ் அவரது குடும்பத்தினரிடம் தெரிவித்துள்ளார். மகளின் மரணத்தில் சந்தேகம் இருப்பதாக தனுஸ்ரீ பெற்றோர்கள் காவல்நிலையத்தில் புகார் தெரிவித்தனர். இந்த சம்பவம் தொடர்பாக காவல்துறையினர் நடத்திய விசாரணையில், தனுஸ்ரீயாவை கிரிக்கெட் மட்டையால் அடித்து கொலை செய்துவிட்டு கணவர் கீர்த்திராஜ் தற்கொலை நாடகம் ஆடியது அம்பலமானது.

இதனையடுத்து கீர்த்திராஜை கைது செய்த போலீஸார் அவரிடம் மேற்கொண்ட விசாரணையில், கீர்த்தி ராஜ் மற்றும் மனைவி தனுஸ்ரீயா ஆகிய இருவருக்கும் இடையே அவ்வப்போது பிரச்சனை எழுந்து வந்தது தெரியவந்துள்ளது. கீர்த்திராஜ் மற்றும் அவரது பெற்றோர் வரதட்சனை கேட்டு தனுஸ்ரீயாவை கொடுமைப்படுத்தி வந்ததாகவும் புகார் கூறப்பட்டது.

இதுதொடர்பாக சேலம் கோட்டாட்சியர் விசாரணைக்கு உத்தரவிடப்பட்டது. பல்வேறு தரப்பிலும் விசாரணை நடத்தி சேலம் கோட்டாட்சியர் விஷ்ணுவர்த்தினி அளித்த அறிக்கையின் அடிப்படையில் தனுஸ்ரீயாவை அவரது கணவர் மற்றும் பெற்றோர் வரதட்சணை கேட்டு தொல்லை கொடுத்து வந்தது உறுதி செய்யப்பட்டது. இந்த அறிக்கையின் அடிப்படையில் கீர்த்திராஜின் தந்தை பெரியசாமி மற்றும் தாயார் ரஞ்சனி ஆகியோரை சூரமங்கலம் போலீசார் கைது செய்தனர்.

உங்கள் நகரத்திலிருந்து(சேலம்)

சேலம்

Published by:Lilly Mary Kamala

First published: July 11, 2022, 13:40 IST

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE - 50, TCCL - 57, SCV - 28, VK Digital - 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.

Tags: Crime News, Dowry Cases, Murder case, Salem

சேலம்