ஹோம் /நியூஸ் /ராணிப்பேட்டை /

நெமிலி அருகே அம்மன் கோயில் திருவிழா : கிரேனில் விபத்தில் 3 பேர் பலி... 9 பேர் படுகாயம்!

நெமிலி அருகே அம்மன் கோயில் திருவிழா : கிரேனில் விபத்தில் 3 பேர் பலி... 9 பேர் படுகாயம்!

திரவுபதி அம்மன் கோயில் திருவிழா க்ரேன் விபத்து

திரவுபதி அம்மன் கோயில் திருவிழா க்ரேன் விபத்து

ராணிப்பேட்டை திரவுபதி அம்மன் கோயிலில் கிரேனில் தொங்கி மாலை சாமிக்கு அணிவித்த போது விபத்து ஏற்பட்டு 3 பேர் உயிரிழந்தனர்

  • News18 Tamil
  • 1 minute read
  • Last Updated :
  • Ranipettai (Ranipet), India

ராணிப்பேட்டை மாவட்டம் நெமிலி அருகே கோயில் திருவிழாவில் கிரேன் அறுந்து விழுந்ததில் பிளஸ் டூ மாணவர் உட்பட 3 பேர் உடல் நசுங்கி உயிரிழந்தனர். கைக்குழந்தை உட்பட 9 பேர் காயமடைந்தனர்.

ராணிப்பேட்டை மாவட்டம் நெமிலியை அடுத்த கீழ்வீதி பகுதியில் உள்ள மண்டியம்மன் கோயில் மயிலர் திருவிழா நடைபெற்று வருகிறது. இந்த திருவிழாவில் பக்தர்கள் கிரேனில் தொங்கி வந்தவாறு சாமிக்கு மாலை அணிவிக்க வந்தனர். அப்போது எதிர்பாராத விதமாக கிரேன் கவிழ்ந்து விபத்து ஏற்பட்டது.

இதில் அந்தரத்தில் தொங்கியபடி வந்த கீழ்வீதியைச் சேர்ந்த பிளஸ்-2 மாணவர் ஜோதி பாபு கீழே விழுந்து உயிரிழந்தார்.

மேலும் வேடிக்கை பார்த்துக் கொண்டிருந்த கீழ்வீதியை சேர்ந்த கூலி தொழிலாளி முத்து (42 ) என்பவரும் உயிர் இழந்தார் . அது மட்டுமின்றி ஐஸ் விற்பனை செய்து கொண்டிருந்த கீழ்ஆவதம் பூபாலன் என்பவரும் உயிரிழந்துள்ளார்.

' isDesktop="true" id="876978" youtubeid="nlVYiDMuogw" category="ranipet">

மேலும் இந்த விபத்தில் ஒரு பெண் குழந்தை உட்பட 9 பேர் படுகாயம் அடைந்து நெமிலி அடுத்த புன்னை அரசு ஆரம்ப சுகாதார நிலையம், அரக்கோணம் அரசு மருத்துவமனை மற்றும் தனியார் மருத்துவமனையில் சிகிச்சைக்காக சேர்க்கப்பட்டுள்ளனர்.

இது தொடர்பாக நெமிலி வட்டாட்சியர் சுமதி , கிராம நிர்வாக அலுவலர் மணிகண்டன் மற்றும் போலீசார் விசாரணை நடத்தி வருகின்றனர்.

First published:

Tags: Accident, Hindu Temple, Ranipettai