ஹோம் /நியூஸ் /புதுக்கோட்டை /

பாச மகளுக்கு பொங்கல் பரிசு.. தலையில் கரும்பை சுமந்து 17 கி.மீ சைக்கிளில் பயணம்.. நெகிழ வைக்கும் தந்தையின் அன்பு

பாச மகளுக்கு பொங்கல் பரிசு.. தலையில் கரும்பை சுமந்து 17 கி.மீ சைக்கிளில் பயணம்.. நெகிழ வைக்கும் தந்தையின் அன்பு

 91 வயதான செல்லத்துரை

91 வயதான செல்லத்துரை

Pudukkottai Man Pongal Gift | முதியவர் 17 கிலோ மீட்டர் தூரம் சைக்கிளிலேயே பொங்கல் சீர் கொண்டு செல்வதை சாலை நெடுகிலும் உள்ள மக்கள் கண்டு வியந்து பார்த்து வருகின்றனர்.

  • News18 Tamil
  • 1 minute read
  • Last Updated :
  • Pudukkottai, India

புதுக்கோட்டையில்  தந்தை ஒருவர் தனது பாச மகளுக்கு ஐந்து கரும்புகளை தலையில் சுமந்து கொண்டு 17 கிலோமீட்டர் தூரம் சைக்கிளிலேயே கொண்டு செல்வது அனைவரையும் வியக்க வைத்துள்ளது.

புதுக்கோட்டை மாவட்டம் திருவரங்குளம் அருகே உள்ள வடக்கு கொத்தகோட்டை கிராமத்தைச் சேர்ந்த முதியவர் செல்லத்துரை இவரது மனைவி அமிர்தவள்ளி. இவர்களுக்கு சுந்தராம்பாள் என்ற மகளும் முருகேசன் என்ற மகனும் உள்ளனர். இந்நிலையில் சுந்தராம்பாளை சுமார் 20 ஆண்டுகளுக்கு முன்பு நம்பம்ட்டியில் திருமணம் செய்து கொடுத்த நிலையில் அவருக்கு 12 ஆண்டுகளாக குழந்தை இல்லாமல் இருந்துள்ளது.

பின்னர் 12 ஆண்டுகளுக்குப் பிறகு சுந்தராம்பாளுக்கு இரட்டை குழந்தை பிறந்த நிலையில் அன்றைய தினம் முதல் இன்றைய தினம் வரை தொடர்ச்சியாக 9 ஆண்டு காலமாக பாரம்பரியமும் கலாச்சாரமும் மாறாமல் இருக்கவும் மகள் மீது கொண்ட பாசத்தாலும் ஒவ்வொரு ஆண்டும் பொங்கல் பண்டிகையின் போது பொங்கல் சீர் வழங்கி வருகிறார்.

உங்கள் ஊர் செய்திகளை வீடியோவாக பெற கிளிக் செய்க

குறிப்பாக இவர் அவரது சைக்கிளில் தேங்காய் பழம், மஞ்சள் கொத்து, வேட்டி, துண்டு, பொங்கல் பூ பச்சரிசி வெள்ளம் உள்ளிட்ட பல்வேறு வகையான பொங்கல் சீரை வைத்துக்கொண்டு ஐந்து கரும்புகளை தலையில் வைத்துக் கொண்டு கரும்பை கையில் வைத்து பிடிக்காமல் அவரது சைக்கிளை ஓட்டி சென்று வருகிறார்.

வம்பன் நான்கு ரோடு பகுதியிலிருந்து சுமார் 17 கிலோ மீட்டர் தூரம் நம்பம்பட்டி வரை சைக்கிளிலேயே அவர் பொங்கல் சீர் கொண்டு செல்வதை சாலை நெடுகிலும் உள்ள மக்கள் கண்டு வியந்து வருவதோடு பொங்கல் வாழ்த்துகளையும் தெரிவித்து வருகின்றனர்.

செய்தியாளர்: ரியாஸ்

First published:

Tags: Local News, Pongal 2023, Pudukottai, Tamil News