Home /News /puducherry /

மொபைல் போனில் புதிய படங்களை பார்க்கும் திட்டத்தை தொடங்கி வைத்தார் புதுச்சேரி முதல்வர்

மொபைல் போனில் புதிய படங்களை பார்க்கும் திட்டத்தை தொடங்கி வைத்தார் புதுச்சேரி முதல்வர்

புதுச்சேரி

புதுச்சேரி

எம்டிஎம் ஆக்டிவ் டிஜி பிரைவேட் லிமிடெட் நிறுவனம் செல்போன் திரையரங்கம் என்ற டிஜிட்டல் தளத்தை உருவாக்கி பொதுமக்கள் குறைந்த விலையில் இருக்கும் இடத்திலேயே திரைப்படங்களைப் பார்க்க ஏற்பாடு செய்துள்ளது.

பெரிய பட்ஜெட் படங்கள் ஓ.டி.டி இணையதளத்தில் வெளியாகி வரும் நிலையில் சிறிய பட்ஜெட் திரைப்படங்களை வீட்டில் இருந்தபடியே மொபைல் போனில் பார்க்கும் வசதி கொண்ட மூவி டூ மொபைல் என்ற ஆப்பை அறிமுகம் செய்யும் நிகழ்ச்சி திலாசுப்பேட்டை டென்னிஸ் விளையாட்டு மைதானத்தில் நடைபெற்றது. இங்கே டென்னிஸ் விளையாடிக் கொண்டிருந்த முதலமைச்சர் ரங்கசாமி மூவி டு மொபைல் ஆப்பை அறிமுகம் செய்து வைத்தார்.

பின்னர் செய்தியாளர்களை சந்தித்த திரைப்பட தயாரிப்பாளர் முரளி ராமசாமி, “ பெரிய பட்ஜெட் திரைப்படங்கள் ஓடிடி இணையதளம் மூலம் வெளியாகி வருகிறது. ஆனால் சிறிய பட்ஜெட் படங்கள் வெளியிட தியேட்டர்கள் கிடைக்காததால் சுமார் 300-க்கும் மேற்பட்ட சிறிய பட்ஜெட் படங்கள் தேங்கி கிடக்கிறது. இவைகளை ரிலீஸ் செய்யும் விதமாக மூவி டு மொபைல் ஆப் கடந்த சில தினங்களுக்கு முன்பு தமிழகத்தில் அறிமுகப்படுத்தப்பட்டது.

தற்போது புதுச்சேரியிலும் அறிமுகப்படுத்தப்பட்டுள்ளது. இந்த ஆப் மூலம் 30 ரூபாய்க்கு கூப்பன் வாங்கி ரீசார்ஜ் செய்து  திரைப்படங்களை மொபைலில் பார்க்கலாம் என்று தெரிவித்தார்.
இந்த ரீசார்ஜ் கூப்பன் பெட்டிக்கடை முதல் அனைத்து பெரிய வணிக நிறுவனங்கள் வரை கிடைக்கும் வகையில் வழிவகை செய்யப்பட்டுள்ளது என்றும் தமிழகத்தில் இந்த திட்டம் வெற்றிகரமாக உள்ளது என்றும் தெரிவித்தார். மேலும் இதுவரை ஒரு வாரத்தில் 5 லட்சம் பேர் இந்த ரீசார்ஜ் கூப்பனை வாங்கி திரைப்படங்களை பார்த்து உள்ளனர் என்றும் கூறினார்.

Also see... டிஜிட்டல் தடுப்பூசியும் அதன் பயன்பாடுகளும்!

ஒரு கூப்பனுக்கு ஒரு திரைப்படம் மட்டுமே பார்க்க முடியும் என்று தெரிவித்த அவர் தற்போது திரைப்படங்கள் மட்டுமே வெளியிடப்படுகிறது வருங்காலத்தில் வெப் சீரியல், மட்டும் டிவி சீரியல் போன்றவைகளும் வெளியிடப்பட திட்டமிட்டுள்ளதாகவும் அவர் தெரிவித்தார்.

நிகழ்ச்சியில் தமிழ் திரைப்பட தயாரிப்பாளர்கள் சங்கத் தலைவர் முரளி ராமசாமி, இயக்குனரும்,தயாரிப்பாளருமான விஜயசேகரன், தயானந்தன், தமிழ்நாடு மற்றும் புதுச்சேரி விநியோகஸ்தர் கோவிந்தராஜ் ஆகிய கலந்து கொண்டனர்.
Published by:Vaijayanthi S
First published:

Tags: Mobile phone, Movies, OTT Release, Puducherry

அடுத்த செய்தி