ஹோம் /நியூஸ் /புதுச்சேரி /

பள்ளிகளில் மாஸ்க் கட்டாயம்.. விடுமுறை முடிந்து முகக்கவசம் அணிந்து ஸ்கூல் வந்த புதுச்சேரி மாணவர்கள்!

பள்ளிகளில் மாஸ்க் கட்டாயம்.. விடுமுறை முடிந்து முகக்கவசம் அணிந்து ஸ்கூல் வந்த புதுச்சேரி மாணவர்கள்!

புதுச்சேரியில் மாஸ்க் கட்டாயம்

புதுச்சேரியில் மாஸ்க் கட்டாயம்

புதுச்சேரியில் அரையாண்டு விடுமுறை முடிந்து பள்ளிகள் இன்று திறக்கப்பட்டன. அனைத்து மாணவர்களும் முக கவசம் கட்டாயம் அணிந்து வர உத்தரவிடப்பட்டது.

  • News18 Tamil
  • 1 minute read
  • Last Updated :
  • Puducherry (Pondicherry), India

புதிய வகை கொரோனா வைரஸ் பரவலை கட்டுப்படுத்த முன்னெச்சரிக்கை நடவடிக்கைகளை புதுச்சேரி அரசு  எடுத்துள்ளது. இது பற்றி மாவட்ட ஆட்சியர் வல்லவன் கடந்த 28 ம் தேதி   உத்தரவுகளை பிறப்பித்தார். உலக நாடுகளில் புதிய வகை கொரோனா (கோவிட்- 19 ஓமிக்கிரான் BF.7) பரவல் அதிகரித்து வரும் நிலையில், புதுச்சேரியில் எதிர்வரும் பண்டிகை கொண்டாட்ட காலங்களில் புதிய வகை கொரோனா பரவலை கட்டுப்படுத்த மத்திய அரசின் வழிகாட்டலின் பேரில் முன்னெச்சரிக்கை நடவடிக்கைகள் அமல்படுத்தப்படுகிறது.

மக்கள் அனைவரும் அனைத்து பொது இடங்கள், கடற்கரை சாலை, பூங்காக்கள் மற்றும் திரையரங்குகளில் கண்டிப்பாக முகக்கவசம் அணிந்து சமூக விலகைக் கடைபிடிக்க வேண்டும். மேலும் பள்ளி மற்றும் கல்லூரிகளுக்குச் செல்லும் பொது அனைத்து மாணவர்கள் ஆசிரியர்கள்மற்றும் இதர ஊழியர்கள் கட்டாயம் முகக்கவசம் அணிவதை உறுதி செய்ய வேண்டும். நடைமுறைகளின் (SOP) படி செயல்பட வேண்டும் என அறிவுறுத்தினார்.

இந்த நிலையில் அரையாண்டு விடுமுறை முடிந்து புதுச்சேரி மற்றும் காரைக்காலில் உள்ள அரசு மற்றும் தனியார் பள்ளிகள் இன்று திறக்கப்பட்டன. பள்ளிக்கு வரும் மாணவர்கள் அனைவரும் முக கவசம் அணிந்து வர வேண்டுமென அந்தந்த பள்ளிகள் சார்பில் அறிவுறுத்தப்பட்டது. இதன் அடிப்படையில் அனைத்து மாணவ மாணவியரும் முக கவசம் அணிந்து பள்ளிக்கு வந்தனர்.

First published:

Tags: Mask, Puducherry, School