Home /News /puducherry /

புதுச்சேரியில் 9000 ரூபாய்க்கு ஏலம் போன அரிய வகை புலாசா மீன்...

புதுச்சேரியில் 9000 ரூபாய்க்கு ஏலம் போன அரிய வகை புலாசா மீன்...

புதுச்சேரி புலசா மீன்

புதுச்சேரி புலசா மீன்

Puducherry | புதுச்சேரியின் ஏனாம் பிராந்தியத்தில் பிடிப்பட்ட அரிய வகை புலாசா மீன் 9000 ரூபாய்க்கு ஏலம் போனது..

புதுச்சேரியின் ஏனாம் பிராந்தியம் ஆந்திர மாநில கோதாவரி ஆற்று பகுதியில் உள்ளது. கடலும் ஆறும் சேர்ந்த பகுதியில் மீனவர்கள் வலையில் அதிகமாக  ஆந்திர மக்கள் உண்ணும் அரிய வகை மீன்,"புலாசா" பிடிப்படும். மீன்களின் ராஜா என இம்மக்கள் அந்த மீனை அழைக்கின்றனர். அதிக சுவையும் சத்துக்களும் கொண்ட இந்த மீன் பிடிபடும் போதெல்லாம் ஏலம் விடப்படும். அதிக விலைக்கு ஏலம் எடுப்பவர்கள் பாராட்டப்படுவார்கள்.

அந்த வகையில் கடந்த 2021 ம் ஆண்டு ஆகஸ்ட் 17 ம் தேதி   பிடிப்பட்ட மீன் 20,000 ரூபாய்க்கு ஏலம் போனது. அடுத்து  செப்டம்பர் 3ம் தேதி  இரு மீன்கள்  பிடிப்பட்டன. இரண்டு கிலோ எடை கொண்ட மீன் ஒன்று 25,000 ரூபாய்க்கும் மற்றொரு மீன் 23,000 ரூபாய்க்கும் ஏலம் போனது.

மீன்களின் ராஜா “ புலசா மீன்”


Also see... மதுரை மத்திய சிறை அருகே குப்பை தொட்டிக்குள் கிடந்த துப்பாக்கி

இந்த நிலையில் இன்று காலை ஏனாமில் இரு மீன்கள் பிடிப்பட்டன. இவை 8000, 9000 என்ற விலைக்கு ஏலம் போனது. இதனை பொன்னமாண்ட ரத்னம் (Ponnamanda Ratnam) என்ற பெண் மகிழ்வுடன் ஏலம் எடுத்தார். இந்த மீன் வலையில் பிடிபட்டால் வலை வீசிய மீனவருக்கு லாபம்தான். அதனை ஏலம் எடுப்பவருக்கு அதிஷ்டம் என்பது ஏனாம் மக்களின் சொல்வழக்கு ஆகும்.
Published by:Vaijayanthi S
First published:

Tags: Fish, Puducherry

அடுத்த செய்தி