சாத்வி ப்ரக்யா எய்ம்ஸ் மருத்துவமனையில் புற்றுநோய்க்கு சிகிச்சை எடுக்கிறார் - பாஜக

போபால் லோக் சபா எம்.பி சாத்வி ப்ரக்யா தாக்கூரை காணவில்லை என வெள்ளிக்கிழமை முதல் ஒட்டப்பட்ட காணவில்லை போஸ்டர்களுக்கு பதில் அளித்துள்ள பாஜக, சாத்வி ப்ரக்யா எய்ம்ஸ் மருத்துவமனையில் புற்றுநோய்க்கும், கண் பிரச்சனைக்கும் சிகிச்சை எடுத்து வருவதாக தெரிவித்துள்ளது.

முன்னாள் காங்கிரஸ் அமைச்சர் பிசி ஷர்மா முன்னதாக பேசியபோது, எம்.பி தேர்தலில் தோல்வியுற்ற காங்கிரஸ் வேட்பாளர் திக் விஜய் சிங் இந்தத் தொற்றுக் காலத்தில் மக்களுடன் நிற்பதாகவும், சாத்வி பிரக்யாவின் இருப்பைக் குறித்து கேள்வி கேட்க மக்களுக்கு அனைத்து விதமான உரிமைகளும் இருப்பதாகத் தெரிவித்தார்.

அதற்கு பதிலளித்திருக்கும் பாஜக செய்தித் தொடர்பாளர் ராகுல் கோத்தாரி, புற்றுநோய்க்கும், கண் தொடர்பான பிரச்சனைக்கும் சாத்வி ப்ரக்யா சிகிச்சை எடுத்து வருகிறார். தொலைபேசி மூலம் தொற்று நடவடிக்கைகள் குறித்து பேசி அதற்கான நடவடிக்கைகளை மேற்கொள்வதற்கான முயற்சியில் இருக்கிறார் என்று தெரிவித்திருக்கிறார்.

சீனாவில் தொடங்கி தற்போது உலகிற்கே அச்சுறுத்தலாக இருக்கும் கொரோனா வைரஸ் பாதிப்பு பற்றிய தகவல்கள், அரசின் அறிவிப்புகள் ஆகியவற்றை நேரலையாக உடனுக்குடன் இங்கே தெரிந்து கொள்ளலாம்.

Follow News18Tamil.com @ Facebook, Twitter, Instagram, Sharechat, Helo, WhatsApp, Telegram, TikTok, YouTube