HOME»NEWS»POLITICS»release of new guidelines on criminals election candidates vai

குற்றப்பின்னணி கொண்ட வேட்பாளர்கள் போட்டியிடுவது தொடர்பாக புதிய வழிகாட்டு நெறிமுறைகள் வெளியீடு..

தேர்தலில் போட்டியிடும் வேட்பாளர்களின் குற்றப்பின்னணி விபரங்களை மூன்று முறை விளம்பரப்படுத்த வேண்டும் என இந்திய தேர்தல் ஆணையம் தெரிவித்துள்ளது.

குற்றப்பின்னணி கொண்ட வேட்பாளர்கள் போட்டியிடுவது தொடர்பாக புதிய வழிகாட்டு நெறிமுறைகள் வெளியீடு..
கோப்புப் படம்
  • Share this:

குற்றப்பின்னணி உள்ளவர்கள் தேர்தலில் போட்டியிடுவது தொடர்பாக புதிய வழிகாட்டு நெறிமுறைகளை இந்திய தேர்தல் ஆணையம் வெளியிட்டுள்ளது.

தேர்தலில் குற்றப்பின்னணி கொண்ட வேட்பாளர்களை நிறுத்தும் அரசியல் கட்சியும், அந்த வேட்பாளரும் ஊடகங்களில் விளம்பரம் கொடுக்க வேண்டும் என்றும் தேர்தலின் போது குறிப்பிட்ட காலத்தில் 3 முறை விளம்பரத்தை வெளியிட வேண்டும் என்றும் அறிவுறுத்தப்பட்டுள்ளது.

அதாவது, வேட்புமனு தாக்கல் முடிந்த பின் 4 நாட்களுக்குள் ஒரு முறையும், 5 -இல் இருந்து 8 நாட்களுக்குள் இரண்டாவது முறையும், வாக்குப்பதிவுக்கு 2 நாளுக்கு முன்பாகவும் வேட்பாளரின் குற்றப்பின்னணி குறித்து விளம்பரப்படுத்த அறிவுறுத்தப்பட்டுள்ளது.



மேலும் படிக்க...திருத்தப்பட்ட புதிய தேர்வு மைய வழிகாட்டுதல்களை அறிவித்தது மத்திய அரசு..



ஒருவேளை போட்டியே இல்லாமல் வேட்பாளர் வென்றாலும், அவரது குற்றப்பின்னணியை மக்கள் தெரிந்து கொள்ளும் வகையில் விளம்பரப்படுத்த வேண்டும் என்றும் தேர்தல் ஆணையம் கூறியுள்ளது.
Published by:Vaijayanthi S
First published: