• HOME
  • »
  • NEWS
  • »
  • politics
  • »
  • தமிழக சட்டமன்ற தேர்தலுக்கான வேட்புமனு தாக்கல் நிறைவு

தமிழக சட்டமன்ற தேர்தலுக்கான வேட்புமனு தாக்கல் நிறைவு

மாதிரி படம்

மாதிரி படம்

தமிழகத்தில் இதுவரை 4689 பேர் வேட்புமனு தாக்கல் செய்துள்ளனர். இவர்கள் 3930 பேர் ஆண்கள், 757 பேர் பெண்கள் மற்றும் 2 பேர் மூன்றாம் பாலினத்ததை சேர்ந்தவர்கள்

  • Share this:
    தமிழக சட்டமன்ற தேர்தலில் போட்டியிட வேட்புமனு தாக்கல் செய்யும் அவகாசம் இன்று மதியம் 3 மணியுடன் நிறைவடைந்தது.

    தமிழகம் உள்ளிட்ட 5 மாநில சட்டமன்ற தேர்தல் பணிகள் விறுவிறுப்பாக நடைபெற்று வருகிறது. தமிழகம், புதுச்ரேி, கேரளாவில் ஏப்ரல் 6-ம் தேதி சட்டமன்ற தேர்தல் நடைபெற உள்ளது. இதையடுத்து தமிழகத்தில் வேட்புமனு தாக்கல் செய்வது கடந்த 12-ம் தேதி தொடங்கியது. முதல் நாள் வேட்புமனு தாக்கல் மந்தமாக இருந்தாலும் அடுத்தடுத்த நாட்களில் அரசியல் கட்சி தலைவர்கள் உள்ளிட்ட பலர் வேட்புமனு தாக்கல் செய்தனர்.

    இந்நிலையில் இன்று மதியம் 3 மணியுடன் வேட்புமனு தாக்கல் செய்யும் அவகாசம் நிறைவடைந்தது. தமிழகத்தில் இதுவரை 4689 பேர் வேட்புமனு தாக்கல் செய்துள்ளனர். இவர்கள் 3930 பேர் ஆண்கள், 757 பேர் பெண்கள் மற்றும் 2 பேர் மூன்றாம் பாலினத்ததை சேர்ந்தவர்கள். அதிகபட்சமாக கரூர் தொகுதியில் 72 பேர் வேட்புமனு தாக்கல் செய்துள்ளனர். குறைந்தபட்சமாக விளவங்கோடு தொகுயில் 6 பேர் மட்டுமே வேட்புமனு தாக்கல் செய்துள்ளனர். இன்று மாலை 6 மணிக்கு வேட்புமனு தாக்கல் செய்தவர்கள் குறித்த முழு விவரம் வெளியாகும்.

    வேட்புமனுக்கள் மீதான பரீசிலனை நாளை நடைபெற உள்ள நிலையில் வேட்புமனுக்களை மார்ச் 22-ம் தேதிக்குள் வாபஸ் பெறலாம் என்பது குறிப்பிடதக்கது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Vijay R
    First published: