மக்கள் நீதி மய்யம் கட்சியின் ஆட்சி முறை மற்றும் பொருளாதரத் புத்தெழுச்சிக்கான 7 செயல் திட்டங்கள் - கமல்ஹாசன் அறிவிப்பு

மக்கள் நீதி மய்யம் கட்சியின் ஆட்சி முறை மற்றும் பொருளாதரத் புத்தெழுச்சிக்கான 7 செயல் திட்டங்கள் - கமல்ஹாசன் அறிவிப்பு

நடிகர் கமல்ஹாசன்

பெண்களின் கல்வி, வேலைவாய்ப்பு, தொழில் முனையும் ஆற்றல் என்று அனைத்து வகையிலும் பெண்கள் முன்னேறிட எங்கள் அரசு செயல் திட்டங்கள் வகுக்கும்.

  • Share this:
    தமிழகத்தின் பொருளியலைச் சீரமைத்து டிரில்லியன் எக்கனாமி எனும் இலக்கை நோக்கிய எமது செயல்திட்டத்தின் 7 முக்கியமான சிறப்பம்சங்களை பேரறிஞர் அண்ணா பிறந்த காஞ்சிபுரத்தில் அறிவித்துள்ளேன் என்று மக்கள் நீதி மய்யம் தலைவர் கமல்ஹாசன்த தெரிவித்துள்ளார்.

    இது தொடர்பாக மக்கள் நீதி மய்யம் வெளியிட்டுள்ள செயல்திட்டத்தின் 7 முக்கியமான சிறப்பம்சங்கள்

    நேர்மையான துரித நிர்வாகம்

    கிராம பஞ்சாயத்து முதல் முதலமைச்சர் அலுவலகம் வரை காகிதங்களற்ற அலுவலகங்கள் என்கின்ற எங்களின் முக்கிய திட்டத்தை அறிமுகப்படுத்துவோம். காகித கோப்புகளை தடை செய்து அதனால் ஏற்படும் தாமதங்களை நீக்கி இணையவழியில் நேர்மையான வெளிப்படையான துரிதமான அரசு அமைவதற்கான அனைத்து ஏற்பாடுகளையும் ஏற்படுத்துவோம்.

    மின்ணனு இல்லங்கள்

    இணைய தொடர்பு என்பது மக்களின் அடிப்பைடை உரிமையாக அறிவிக்கப்பட்டு அதற்கான முன்னெடுப்பாக தமிழ்நாட்டில் உள்ள அனைத்து வீடுகளுக்கும் இணைய வசதி செய்து கொடுக்கப்படும். இது வரை இல்லாத அளவில் ஒரு அரசின் மிகப்பெரு முதலீடாக இது அமையும்.

    நவீன தற்சார்பு கிராமங்கள்

    கிராமப்புரங்களில் இருக்கும் மனித வள ஆற்றலை சரியாக பயன்படுத்தும் வகையில் தொழில் முனைவோர்களையும் தொழில் நிறுவனங்களையும் நகர்புரங்களுக்கு இணையாக கிராமபுரங்களில் தங்கள் கிளை அலுவலகங்கங்களை அமைக்கும்படி எங்கள அரசு வலியறுத்தும்.

    பெண்சக்தி

    பெண்களின் கல்வி, வேலைவாய்ப்பு, தொழில் முனையும் ஆற்றல் என்று அனைத்து வகையிலும் பெண்கள் முன்னேறிட எங்கள் அரசு செயல் திட்டங்கள் வகுக்கும்.

    பசுமைப் புரட்சி ப்ளஸ்

    விவசாயத் தொழில் என்பதை வெறும் வார்த்தையாக இல்லாமல் அது உண்மையிலே வருமானமும் லாபமும் உள்ள ஒரு நேர்மையான வணிகமாக மாற்றுவதற்கான அனைத்து முன்னெடுப்புகளும் எங்கள் அரசால் செய்து தரப்படும். விவசாயத் தொழில் செழித்திட சரியான போக்குவரத்து, விளைப்பொருட்களை சேமித்து பாதுகாத்திட தேவையான குளிர் சாதன கிடங்குகள் போன்றவையும் அமைக்கப்படும்.

    சூழலியல் சுகாதாரம்

    மாறிவரும் சூழலியலுக்கு ஏற்ற வகையில் சூழலியல் சுகாதார மேம்பாடு என்பது எங்கள் அரசின் முழு முதற் கொள்கைகளில் ஒன்றாக அமையும்.

    செழுமைக்கோடு

    வறுமைக்கோடு என்கின்ற பழைய அளவீடு மாற்றப்பட்டு செழுமைக்கோடு என்கின்ற புதிய அளவீடு அமையப் பெறும். ஒவ்வொரு குடிமகனின் அறிவும், திறனும் சரிவர வெளிக் கொண்டு வரப்பட்டு அதற்கு ஏற்ற வகையிலான திட்டங்கள் அமைக்கப்படும் என்று அறிவிக்கப்பட்டுள்ளது.
    Published by:Vijay R
    First published: