செயற்கை ஆக்சிஜன் உதவியுடன் தேர்வு எழுதிய மாணவி..!

உத்தரப்பிரதேச மாநிலத்தில் மூச்சுச்திணறலால் பாதிக்கப்பட்ட மாணவி ஒருவர் ஆக்சிஜன் உதவியுடன் 10-ஆம் வகுப்பு பொதுத்தேர்வை எழுதினார்.

பரேலியைச் சேர்ந்த 16 வயது மாணவி ஷபியா என்பவர் நுரையீரல் நோயால் கடந்த 5 ஆண்டுகளாக பாதிக்கப்பட்டுள்ளார். இதனால் அவருக்கு மூச்சுவிடுவதில் சிரமம் இருந்து வருகிறது. இந்நிலையில் மாணவியின் கோரிக்கையை ஏற்று தேர்வின்போது ஆக்சிஜன் பயன்படுத்திக் கொள்ள அம்மாநில அரசு அனுமதி அளித்தது. இதையடுத்து மாணவி ஷபியா அரசு பெண்கள் கல்லூரியில் நேற்று ஆக்சிஜன் உதவியுடன் தேர்வெழுதினார்.